KHalish

vo ḳhūb-sūrat laḌkiyāñ

dasht-e-vafā kī hirniyāñ

-shahr-e-shab-e-mahtāb kī

bechain jādū-garniyāñ

jo bādaloñ meñ kho ga.iiñ

nazroñ se ojhal ho ga.iiñ

ab sard kaalī raat ko

āñkhoñ meñ gahrā ġham liye

ashkoñ kī bahtī nahr meñ

gulnār chehre nam kiye

hastī kī sarhad se pare

ḳhvāboñ kī sañgīñ oT se

kahtī haiñ mujh ko bevafā

ham se bichhaḌ kar kyā tujhe

sukh kā ḳhazāna mil gayā

wo KHub-surat laDkiyan

dasht-e-wafa ki hirniyan

-shahr-e-shab-e-mahtab ki

bechain jadu-garniyan

jo baadalon mein kho gain

nazron se ojhal ho gain

ab sard kali raat ko

aankhon mein gahra gham liye

ashkon ki bahti nahr mein

gulnar chehre nam kiye

hasti ki sarhad se pare

KHwabon ki sangin oT se

kahti hain mujh ko bewafa

hum se bichhaD kar kya tujhe

sukh ka KHazana mil gaya