KHargoshon ki ghazal

koī shikārī baar baar ban meñ hamāre aa.e kyoñ

chaukeñge ham hazār baar koī hameñ Darā.e kyoñ

ghar nahīñ jhoñpaḌī nahīñ kuTiyā nahīñ makāñ nahīñ

baiThe haiñ jañgaloñ meñ ham koī hameñ bhagā.e kyoñ

kaan khaḌe na kyoñ kareñ ghaas meñ kyoñ na ham chhupeñ

khaTkā zarā bhī ho agar koī ThiThuk na jaa.e kyoñ

ban meñ hamāre jo bhī aa.e sair maze se vo kare

aa.e hazār baar ḳhud kuttoñ ko saath laa.e kyoñ

ammī se maar khā ke bhī ḳhush koī kis tarah rahe

paanī maze se kyoñ piye ghaas maze se khaa.e kyoñ

kahtā thā ik shikārī ye ā.eñge ham zarūr yaañ

jis ko ho apnī jaañ aziiz ban meñ vo ghar banā.e kyoñ

chiḌiyāñ na chahchahā.eñ kal so.eñ ham dopahar tak

band hai ban kā madrasa koī hameñ jagā.e kyoñ

koi shikari bar bar ban mein hamare aae kyon

chaukenge hum hazar bar koi hamein Darae kyon

ghar nahin jhonpaDi nahin kuTiya nahin makan nahin

baiThe hain jangalon mein hum koi hamein bhagae kyon

kan khaDe na kyon karen ghas mein kyon na hum chhupen

khaTka zara bhi ho agar koi ThiThuk na jae kyon

ban mein hamare jo bhi aae sair maze se wo kare

aae hazar bar KHud kutton ko sath lae kyon

ammi se mar kha ke bhi KHush koi kis tarah rahe

pani maze se kyon piye ghas maze se khae kyon

kahta tha ek shikari ye aaenge hum zarur yan

jis ko ho apni jaan aziz ban mein wo ghar banae kyon

chiDiyan na chahchahaen kal soen hum dopahar tak

band hai ban ka madrasa koi hamein jagae kyon