KHat ka jawab

jab tire shahr-o-kūcha-o-dar se

zindagī sargirāñ rahī tū ne

koī ahd-e-vafā kī baat na kī

tere kirdār ke charāġhoñ meñ

husn jaltā rahā taqaddus kā

vo taqaddus ki jis kā sarmāya

nūr-e-shā.istagī-o-sharm-o-hayā

rif.at-e-dilbarī-o-rang-e-hinā

shoḳhī-o-be-ḳhudī-o-nāz-o-adā

tū ne apnī havas kī nazr kiyā

phir bhī tū mutma.in rahī ki tirī

fikr-o-fitrat kā bol-bālā thā

is jahān-e-ḳharāb meñ ki jahāñ

terī fir.auniyat ke charche the

merī duniyā pe ek vaqt paḌā

sub.heñ apnā nikhār bhuul ga.iiñ

shāmeñ afsurdagī ke naam huiiñ

rāteñ muñh Dhāñp Dhāñp kar roiiñ

phir bhī tujh ko koī ḳhabar na huī

vaqt guzrā guzarne vaalā thā

vaqt ne kab kisī kā saath diyā

ai mirī aaj kī qalo-patra

aur ab jab ki zindagī ke liye

koī fikr-e-nashāt-o-ġham bhī nahīñ

apnī chāhat kā vāsta de kar

ab mujhe kyoñ bulā rahī hai tū

jab tire shahr-o-kūcha-o-dar se

zindagī sargirāñ rahī tū ne

koī ahd-e-vafā kī baat na kī

jab tere shahr-o-kucha-o-dar se

zindagi sargiran rahi tu ne

koi ahd-e-wafa ki baat na ki

tere kirdar ke charaghon mein

husn jalta raha taqaddus ka

wo taqaddus ki jis ka sarmaya

nur-e-shaistagi-o-sharm-o-haya

rifat-e-dilbari-o-rang-e-hina

shoKHi-o-be-KHudi-o-naz-o-ada

tu ne apni hawas ki nazr kiya

phir bhi tu mutmain rahi ki teri

fikr-o-fitrat ka bol-baala tha

is jahan-e-KHarab mein ki jahan

teri firauniyat ke charche the

meri duniya pe ek waqt paDa

subhen apna nikhaar bhul gain

shamen afsurdagi ke nam huin

raaten munh Dhanp Dhanp kar roin

phir bhi tujh ko koi KHabar na hui

waqt guzra guzarne wala tha

waqt ne kab kisi ka sath diya

ai meri aaj ki qalo-patra

aur ab jab ki zindagi ke liye

koi fikr-e-nashat-o-gham bhi nahin

apni chahat ka wasta de kar

ab mujhe kyon bula rahi hai tu

jab tere shahr-o-kucha-o-dar se

zindagi sargiran rahi tu ne

koi ahd-e-wafa ki baat na ki