aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHayal-e-KHatir-e-ahbab

Abdul Ahad Saaz

KHayal-e-KHatir-e-ahbab

Abdul Ahad Saaz

MORE BYAbdul Ahad Saaz

    salām mere rafīqoñ ko ham-nashīnoñ ko

    sapāT chehroñ ko be-mehr-o-lutf sīnoñ ko

    koī habīb-e-masarrat na koī mūnis-e-ġham

    na dil meñ josh na yārā-e-dard sīnoñ ko

    koī faroġh na koī numū ki yāroñ ne

    rakhā hai kar ke musattah tamām zīnoñ ko

    milā na haif! ġhul-ārā.ī mizāj kabhī

    mire ḳhulūs ke ''ḳhirman ke ḳhosha-chīnoñ ko''

    falak ne zīnat-e-nisyāñ banā ke chhoḌ diyā

    rusūm-e-lutf ko dil-jūī ke qarīnoñ ko

    ġharaz tund havāoñ ne kar diyā banjar

    vafā kisht ko īsār zamīnoñ ko

    shikasta kar diyā badlī nazar ke tūfān ne

    ḳhud-e'timādī ke Dhāle hue safīnoñ ko

    nazar meñ kaj-nigahī lab pe maslahat-goī

    ḳhutūt-e-ruḳh ne ubhārā hai dil ke kīnoñ ko

    ḳhilāf-e-vaza.a ho bhūle se gar ye sher-e-'anīs'

    sunā.e 'sāz' koī mere ham-nashīnoñ ko

    ''ḳhayāl-e-ḳhātir-e-ahbāb chāhiye har dam!

    'anīs' Thes na lag jaa.e ābgīnoñ ko!

    salam mere rafiqon ko ham-nashinon ko

    sapaT chehron ko be-mehr-o-lutf sinon ko

    koi habib-e-masarrat na koi munis-e-gham

    na dil mein josh na yara-e-dard sinon ko

    koi farogh na koi numu ki yaron ne

    rakha hai kar ke musattah tamam zinon ko

    mila na haif! ghul-arai ka mizaj kabhi

    mere KHulus ke KHirman ke KHosha-chinon ko

    falak ne zinat-e-nisyan bana ke chhoD diya

    rusum-e-lutf ko dil-jui ke qarinon ko

    gharaz ki tund hawaon ne kar diya banjar

    wafa ki kisht ko isar ki zaminon ko

    shikasta kar diya badli nazar ke tufan ne

    KHud-e'timadi ke Dhaale hue safinon ko

    nazar mein kaj-nigahi lab pe maslahat-goi

    KHutut-e-ruKH ne ubhaara hai dil ke kinon ko

    KHilaf-e-waza ho bhule se gar ye sher-e-'anis'

    sunae 'saz' koi mere ham-nashinon ko

    KHayal-e-KHatir-e-ahbab chahiye har dam!

    'anis' Thes na lag jae aabginon ko!

    Source:

    khamoshi bol uthi hai (Pg. 88)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now