khel jari rahe

be-jhijak, be-ḳhatar

be-dhaḌak vaar kar

merī gardan uḌā

aur ḳhuuñ se mire kāmyābī ke apnī na.e jaam bhar

chhīn le husn-o-ḳhūbī, anaa, dilkashī

mere lafzoñ meñ lipTā huā māl-o-zar

merī poroñ se bahtī huī raushnī

mere māthe pe likkhe hue sab hunar

tujh se shikva nahīñ

ai adū mere maiñ terī hamdard huuñ

terī be-chehragī mujh ko bhātī nahīñ

tujh se kaise kahūñ!!!

tujh se kaise kahūñ! qatl karnā mujhe tere bas meñ nahīñ

(aur ho bhī agar, terī kam-mā.egī mā mudāvā nahīñ)

haañ magar terī dil-jūī ke vāste

merī gardan pe yuuñ terā ḳhanjar rahe

(terī dānist meñ)

khel jaarī rahe

be-jhijak, be-KHatar

be-dhaDak war kar

meri gardan uDa

aur KHun se mere kaamyabi ke apni nae jam bhar

chhin le husn-o-KHubi, ana, dilkashi

mere lafzon mein lipTa hua mal-o-zar

meri poron se bahti hui raushni

mere mathe pe likkhe hue sab hunar

tujh se shikwa nahin

ai adu mere main teri hamdard hun

teri be-chehragi mujh ko bhati nahin

tujh se kaise kahun!!!

tujh se kaise kahun! qatl karna mujhe tere bas mein nahin

(aur ho bhi agar, teri kam-maegi ma mudawa nahin)

han magar teri dil-jui ke waste

meri gardan pe yun tera KHanjar rahe

(teri danist mein)

khel jari rahe