KHizan ke git

uThāo saaz ki abr-e-bahār baaqī hai

abhī to bazm meñ kaif-o-ḳhumār baaqī hai

abhī abhī to fazā muskurā ke jaagī hai

abhī to shauq-e-dil-exbāda-ḳhvār baaqī hai

abhī na jaao bahāreñ bhī lauT jā.eñgī

abhī to sehn-e-chaman kā nikhār baaqī hai

abhī to anjuman-e-mehr-o-māh bikne do

abhī naqāb-e-ruḳh-e-husn-e-yār baaqī hai

abhī na sham.a bujhāo mire shabistān kī

thakī sī aas sar-e-rahguzār baaqī hai

abhī to jaag rahī hai nigāh-e-afsurda

abhī kisī kā use intizār baaqī hai

abhī to duur kahīñ baj rahī hai shahnā.ī

kisī hasīn dulhan kā siñghār baaqī hai

abhī to saaz hai sargam hai raat apnī hai

fazā hasīñ hai jahāñ naġhma-bār baaqī hai

abhī mujhe na kaho dāstān-e-ġham ai dost

ki zindagī pe abhī e'tibār baaqī hai

kisī ne chheḌ diye aah phir ḳhizāñ ke giit

sisak rahī hai tamannā taḌap uThā sañgīt

uThao saz ki abr-e-bahaar baqi hai

abhi to bazm mein kaif-o-KHumar baqi hai

abhi abhi to faza muskura ke jagi hai

abhi to shauq-e-dil-exbaada-KHwar baqi hai

abhi na jao bahaaren bhi lauT jaengi

abhi to sehn-e-chaman ka nikhaar baqi hai

abhi to anjuman-e-mehr-o-mah bikne do

abhi naqab-e-ruKH-e-husn-e-yar baqi hai

abhi na shama bujhao mere shabistan ki

thaki si aas sar-e-rahguzar baqi hai

abhi to jag rahi hai nigah-e-afsurda

abhi kisi ka use intizar baqi hai

abhi to dur kahin baj rahi hai shahnai

kisi hasin dulhan ka singhaar baqi hai

abhi to saz hai sargam hai raat apni hai

faza hasin hai jahan naghma-bar baqi hai

abhi mujhe na kaho dastan-e-gham ai dost

ki zindagi pe abhi e'tibar baqi hai

kisi ne chheD diye aah phir KHizan ke git

sisak rahi hai tamanna taDap uTha sangit