KHizr-e-rah

Allama Iqbal

KHizr-e-rah

Allama Iqbal

MORE BYAllama Iqbal

    shā.ir

    sāhil-e-dariyā pe maiñ ik raat thā mahv-e-nazar

    gosha-e-dil meñ chhupā.e ik jahān-e-iztirāb

    shab sukūt-afzā havā āsūda dariyā narm sair

    thī nazar hairāñ ki ye dariyā hai tasvīr-e-āb

    jaise gahvāre meñ so jaatā hai tifl-e-shīr-ḳhvār

    mauj-e-muztar thī kahīñ gahrā.iyoñ meñ mast-e-ḳhvāb

    raat ke afsūñ se taa.ir āshiyānoñ meñ asiir

    anjum-e-kam-zau giraftār-e-tilism-e-māhtāb

    dekhtā kyā huuñ ki vo paik-e-jahāñ-paimā ḳhizr

    jis piirī meñ hai mānind-e-sahar rañg-e-shabāb

    kah rahā hai mujh se ai jūyā-e-asrār-e-azal

    chashm-e-dil ho to hai taqdīr-e-ālam be-hijāb

    dil meñ ye sun kar bapā hañgāma-e-mahshar huā

    maiñ shahīd-e-justujū thā yuuñ suḳhan-gustar huā

    ai tirī chashm-e-jahāñ-bīñ par vo tūfāñ āshkār

    jin ke hañgāme abhī dariyā meñ sote haiñ ḳhamosh

    kashtī-e-miskīn-o-jān-e-pāk-o-dīvār-e-yatīm

    ilm-e-mūsā bhī hai tire sāmne hairat-farosh

    chhoḌ kar ābādiyāñ rahtā hai sahrā-navard

    zindagī terī hai be-roz-o-shab-o-fardā-o-dosh

    zindagī raaz kyā hai saltanat kyā chiiz hai

    aur ye sarmāya-o-mehnat meñ hai kaisā ḳharosh

    ho rahā hai asia ḳhirqa-e-derīna chaak

    naujavāñ aqvām-e-nau-daulat ke haiñ pairāya-posh

    garche askandar rahā mahrūm-e-āb-e-zindagī

    fitrat-e-askandarī ab tak hai garm nāo-nosh

    bechtā hai hāshmī nāmūs dīn-e-mustafā

    ḳhāk-o-ḳhūñ meñ mil rahā hai turkamān-e-shaḳht-kosh

    aag hai aulād-e-ibrāhīm hai namrūd hai

    kyā kisī ko phir kisī imtihāñ maqsūd hai

    javāb-e-ḳhizr

    sahrā-navardī

    kyuuñ ta.ajjub hai mirī sahrā-navardī par tujhe

    ye tagā-pū-e-damādam zindagī hai dalīl

    ai rahīn-e-ḳhāna ne vo samāñ dekhā nahīñ

    gūñjtī hai jab fazā-e-dasht meñ bāñg-e-rahīl

    ret ke Tiile pe vo aahū be-parvā ḳhirām

    vo hazar be-barg-o-sāmāñ vo safar be-sañg-o-mīl

    vo numūd-e-aḳhtar-e-sīmāb-pā hañgām-e-sub.h

    numāyāñ bām-e-gardūñ se jabīn-e-jibra.īl

    vo sukūt-e-shām-e-sahrā meñ ġhurūb-e-āftāb

    jas se raushan-tar huī chashm-e-jahāñ-bīn-e-ḳhalīl

    aur vo paanī ke chashme par maqām-e-kārvāñ

    ahl-e-īmāñ jas tarah jannat meñ gird-e-salsabīl

    taaza vīrāne saudā-e-mohabbat ko talāsh

    aur ābādī meñ zanjīrī-e-kisht-o-naḳhīl

    puḳhta-tar hai gardish-e-paiham se jām-e-zindagī

    hai yahī ai be-ḳhabar rāz-e-davām-e-zindagī

    zindagī bartar az sūd-o-ziyāñ hai zindagī

    zindagī bartar az andesha-e-sūd-o-ziyāñ hai zindagī

    hai kabhī jaañ aur kabhī taslīm-e-jāñ hai zindagī

    ise paimāna-e-imroz-o-fardā se na naap

    jāvedāñ paiham davāñ har-dam javāñ hai zindagī

    apnī duniyā aap paidā kar agar zindoñ meñ hai

    sirr-e-ādam hai zamīr-e-kun-fakāñ hai zindagī

    zindagānī haqīqat kohkan kai dil se pūchh

    jū-e-shīr-o-tesha-o-sañg-e-garāñ hai zindagī

    bandagī meñ ghaT ke rah jaatī hai ik jū-e-kam-āb

    aur āzādī meñ bahr-e-be-karāñ hai zindagī

    āshkārā hai ye apnī quvvat-e-tasḳhīr se

    garche ik miTTī ke paikar meñ nihāñ hai zindagī

    qulzum-e-hastī se to ubhrā hai mānind-e-habāb

    is ziyāñ-ḳhāne meñ terā imtihāñ hai zindagī

    ḳhaam hai jab tak hai miTTī ik ambār

    puḳhta ho jaa.e hai shamsher-e-be-zinhār

    ho sadāqat ke liye jis dil meñ marne taḌap

    pahle apne paikar-e-ḳhākī meñ jaañ paidā kare

    phūñk Daale ye zamīn-o-āsmāñ musta.ār

    aur ḳhākistar se aap apnā jahāñ paidā kare

    zindagī quvvat-e-pinhāñ ko kar de āshkār

    ye chiñgārī froġh-e-jāvedāñ paidā kare

    ḳhāk-e-mashriq par chamak jaa.e misāl-e-āftāb

    tā-badaḳhshāñ phir vahī la.al-e-girāñ paidā kare

    sū-e-gardūñ nāla-e-shab-gīr bheje safīr

    raat ke tāroñ meñ apne rāz-dāñ paidā kare

    ye ghaḌī mahshar hai to arsa-e-mehshar meñ hai

    pesh kar ġhāfil amal koī agar daftar meñ hai

    saltanat

    aa batā.ūñ tujh ko ramz-e-āya-e-innal-mulūk

    saltanat aqvām-e-ġhālib hai ik jādūgarī

    ḳhvāb se be-dār hotā hai zarā mahkūm agar

    phir sulā detī hai us ko hukmarāñ sāhirī

    jādū-e-mahmūd tāsīr se chashm-e-ayāz

    dekhtī hai halqa-e-gardan meñ sāz-e-dil-barī

    ḳhūn-e-isrā.īl aa jaatā hai āḳhir josh meñ

    toḌ detā hai koī muusā tilism-e-sāmarī

    sarvarī zebā faqat us zāt-e-be-hamtā ko hai

    hukmarāñ hai ik vahī baaqī butān-e-āzarī

    az ġhulāmī fitrat-e-āzād rusvā makun

    tā-tarāshī ḳhvāja-e-az-barahman kāfir tirī

    hai vahī sāz-e-kuhan maġhrib jamhūrī nizām

    jis ke pardoñ meñ nahīñ ġhair-az-navā-e-qaisarī

    dev-e-istibdād jamhūrī qabā meñ pā-e-kūb

    samajhtā hai ye āzādī hai nīlam-parī

    majlis-e-ā.īn-o-islāh-o-ri.āyāt-o-huqūq

    tibb-e-maġhrib meñ maze mīThe asar ḳhvāb-āvarī

    garmī-e-guftār āzā-e-majālis al-amāñ

    ye bhī ik sarmāya-dāroñ hai jañg-e-zargarī

    is sarāb-e-rañg-o-bū ko gulistāñ samjhā hai

    aah ai nādāñ qafas ko āshiyāñ samjhā hai

    sarmāya-o-mehnat

    banda-e-mazdūr ko kar mirā paiġhām de

    ḳhizr paiġhām kyā hai ye payām-e-kā.enāt

    ai ki tujh ko khā gayā sarmāya-dār-e-hīla-gar

    shāḳh-e-āhū par rahī sadiyoñ talak terī barāt

    dast-e-daulat-āfrīñ ko muzd yuuñ miltī rahī

    ahl-e-sarvat jaise dete haiñ ġharīboñ ko zakāt

    sāhir-al-mūt ne tujh ko diyā barg-e-hashīsh

    aur ai be-ḳhabar samjhā use shāḳh-e-nabāt

    nasl qaumiyat kalīsā saltanat tahzīb rañg

    ḳhvājgī ne ḳhuub chun chun ke banā.e muskirāt

    kaT marā nādāñ ḳhayālī devtāoñ ke liye

    sukr lazzat meñ luTvā gayā naqd-e-hayāt

    makr chāloñ se baazī le gayā sarmāya-dār

    intihā-e-sādgī se khā gayā mazdūr maat

    uTh ki ab bazm-e-jahāñ aur andāz hai

    mashriq-o-maġhrib meñ tere daur āġhāz hai

    himmat-e-ālī to dariyā bhī nahīñ kartī qubūl

    ġhuncha saañ ġhāfil tire dāman meñ shabnam kab talak

    naġhma-e-bedārī-e-jamhūr hai sāmān-e-aish

    qissa-e-ḳhvāb-āvar askandar-o-jam kab talak

    āftāb-e-tāza paidā batn-e-gītī se huā

    āsmān Duube hue tāroñ mātam kab talak

    toḌ Dālīñ fitrat-e-insāñ ne zanjīreñ tamām

    dūrī-e-jannat se rotī chashm-e-ādam kab talak

    bāġhbān-e-chāra-farmā se ye kahtī hai bahār

    zaḳhm-e-gul ke vāste tadbīr-e-marham kab talak

    kirmak-e-nādāñ tavāf-e-sham.a se āzād ho

    apnī fitrat ke tajallī-zār meñ ābād ho

    duniyā-e-islām

    kyā sunātā hai mujhe turk-o-arab dāstāñ

    mujh se kuchh pinhāñ nahīñ islāmiyoñ soz-o-sāz

    le ga.e taslīs ke farzand mīrās-e-ḳhalīl

    ḳhisht-e-buniyād-e-kalīsā ban ga.ī ḳhāk-e-hijāz

    ho ga.ī rusvā zamāne meñ kulāh-e-lāla-rañg

    jo sarāpā naaz the haiñ aaj majbūr-e-niyāz

    le rahā hai mai-faroshān-e-farañgistān se paars

    vo mai-e-sarkash harārat jis hai mīnā-gudāz

    hikmat-e-maġhrib se millat ye kaifiyyat huī

    TukḌe TukḌe jis tarah sone ko kar detā hai gaaz

    ho gayā mānind-e-āb arzāñ musalmāñ lahū

    muztarib hai ki terā dil nahīñ dānā-e-rāz

    guft ruumī har banā-e-kuhanā ki-ābādāñ kunand

    na-dānī avval aañ buniyād vīrāñ kunand

    mulk hāthoñ se gayā millat āñkheñ khul ga.iiñ

    haq tirā chashme atā kar dast-e-ġhāfil dar nigar

    momyā.ī gadā.ī se to behtar hai shikast

    mor-e-be-par hājate pesh-e-sulaimāne mabar

    rabt-o-zabt-e-millat-e-baizā hai mashriq najāt

    asia vaale haiñ is nukte se ab tak be-ḳhabar

    phir siyāsat chhoḌ kar dāḳhil hisār-e-dīñ meñ ho

    mulk-o-daulat hai faqat hifz-e-haram ik samar

    ek huuñ muslim haram pāsbānī ke liye

    niil ke sāhil se le kar tā-ba-ḳhāk-e-kāshġhar

    jo karegā imtiyāz-e-rañg-o-ḳhūñ miT jā.egā

    turk-e-ḳhargāhī ho ārābī-e-vālā-guhar

    nasl agar muslim maz.hab par muqaddam ho ga.ī

    uḌ gayā duniyā se mānind-e-ḳhāk-e-rāh-guzar

    tā-ḳhilāfat binā duniyā meñ ho phir ustuvār

    kahīñ se DhūñD kar aslāf qalb-o-jigar

    ai ki na-shināsī ḳhafī az jalī hushiyār baash

    ai giraftār-e-abū-bakr-o-alī hushiyār-bāsh

    ishq ko fariyād lāzim thī so vo bhī ho chukī

    ab zarā dil thaam kar fariyād tāsīr dekh

    ne dekhā satvat-e-raftār-e-dariyā uruuj

    mauj-e-muztar kis tarah bantī hai ab zanjīr dekh

    aam hurriyat jo dekhā thā ḳhvāb islām ne

    ai musalmāñ aaj to us ḳhvāb tābīr dekh

    apnī ḳhākistar samundar ko hai sāmān-e-vajūd

    mar ke phir hotā hai paidā ye jahān-e-pīr dekh

    khol kar āñkheñ mire ā.īna-e-guftār meñ

    aane vaale daur dhundlī ik tasvīr dekh

    āzmūda fitna hai ik aur bhī gardūñ ke paas

    sāmne taqdīr ke rusvā.ī-e-tadbīr dekh

    muslim astī siina az ārzū-ābād daar

    har zamāñ pesh-e-nazar lā-yuḳhlif-ul-mī.ād daar

    shair

    sahil-e-dariya pe main ek raat tha mahw-e-nazar

    gosha-e-dil mein chhupae ek jahan-e-iztirab

    shab sukut-afza hawa aasuda dariya narm sair

    thi nazar hairan ki ye dariya hai ya taswir-e-ab

    jaise gahware mein so jata hai tifl-e-shir-KHwar

    mauj-e-muztar thi kahin gahraiyon mein mast-e-KHwab

    raat ke afsun se tair aashiyanon mein asir

    anjum-e-kam-zau giraftar-e-tilism-e-mahtab

    dekhta kya hun ki wo paik-e-jahan-paima KHizr

    jis ki piri mein hai manind-e-sahar rang-e-shabab

    kah raha hai mujh se ai juya-e-asrar-e-azal

    chashm-e-dil wa ho to hai taqdir-e-alam be-hijab

    dil mein ye sun kar bapa hangama-e-mahshar hua

    main shahid-e-justuju tha yun suKHan-gustar hua

    ai teri chashm-e-jahan-bin par wo tufan aashkar

    jin ke hangame abhi dariya mein sote hain KHamosh

    kashti-e-miskin-o-jaan-e-pak-o-diwar-e-yatim

    ilm-e-musa bhi hai tere samne hairat-farosh

    chhoD kar aabaadiyan rahta hai tu sahra-naward

    zindagi teri hai be-roz-o-shab-o-farda-o-dosh

    zindagi ka raaz kya hai saltanat kya chiz hai

    aur ye sarmaya-o-mehnat mein hai kaisa KHarosh

    ho raha hai asia ka KHirqa-e-derina chaak

    naujawan aqwam-e-nau-daulat ke hain pairaya-posh

    garche askandar raha mahrum-e-ab-e-zindagi

    fitrat-e-askandari ab tak hai garm nao-nosh

    bechta hai hashmi namus din-e-mustafa

    KHak-o-KHun mein mil raha hai turkaman-e-shaKHt-kosh

    aag hai aulad-e-ibrahim hai namrud hai

    kya kisi ko phir kisi ka imtihan maqsud hai

    jawab-e-KHizr

    sahra-nawardi

    kyun tajjub hai meri sahra-nawardi par tujhe

    ye taga-pu-e-damadam zindagi ki hai dalil

    ai rahin-e-KHana tu ne wo saman dekha nahin

    gunjti hai jab faza-e-dasht mein bang-e-rahil

    ret ke Tile pe wo aahu ka be-parwa KHiram

    wo hazar be-barg-o-saman wo safar be-sang-o-mil

    wo numud-e-aKHtar-e-simab-pa hangam-e-subh

    ya numayan baam-e-gardun se jabin-e-jibrail

    wo sukut-e-sham-e-sahra mein ghurub-e-aftab

    jas se raushan-tar hui chashm-e-jahan-bin-e-KHalil

    aur wo pani ke chashme par maqam-e-karwan

    ahl-e-iman jas tarah jannat mein gird-e-salsabil

    taza virane ki sauda-e-mohabbat ko talash

    aur aabaadi mein tu zanjiri-e-kisht-o-naKHil

    puKHta-tar hai gardish-e-paiham se jam-e-zindagi

    hai yahi ai be-KHabar raaz-e-dawam-e-zindagi

    zindagi bartar az sud-o-ziyan hai zindagi

    zindagi bartar az andesha-e-sud-o-ziyan hai zindagi

    hai kabhi jaan aur kabhi taslim-e-jaan hai zindagi

    tu ise paimana-e-imroz-o-farda se na nap

    jawedan paiham dawan har-dam jawan hai zindagi

    apni duniya aap paida kar agar zindon mein hai

    sirr-e-adam hai zamir-e-kun-fakan hai zindagi

    zindagani ki haqiqat kohkan kai dil se puchh

    ju-e-shir-o-tesha-o-sang-e-garan hai zindagi

    bandagi mein ghaT ke rah jati hai ek ju-e-kam-ab

    aur aazadi mein bahr-e-be-karan hai zindagi

    aashkara hai ye apni quwwat-e-tasKHir se

    garche ek miTTi ke paikar mein nihan hai zindagi

    qulzum-e-hasti se to ubhra hai manind-e-habab

    is ziyan-KHane mein tera imtihan hai zindagi

    KHam hai jab tak tu hai miTTi ka ek ambar tu

    puKHta ho jae tu hai shamsher-e-be-zinhaar tu

    ho sadaqat ke liye jis dil mein marne ki taDap

    pahle apne paikar-e-KHaki mein jaan paida kare

    phunk Dale ye zamin-o-asman mustaar

    aur KHakistar se aap apna jahan paida kare

    zindagi ki quwwat-e-pinhan ko kar de aashkar

    ta ye chingari frogh-e-jawedan paida kare

    KHak-e-mashriq par chamak jae misal-e-aftab

    ta-badaKHshan phir wahi lal-e-giran paida kare

    su-e-gardun nala-e-shab-gir ka bheje safir

    raat ke taron mein apne raaz-dan paida kare

    ye ghaDi mahshar ki hai to arsa-e-mehshar mein hai

    pesh kar ghafil amal koi agar daftar mein hai

    saltanat

    aa bataun tujh ko ramz-e-aya-e-innal-muluk

    saltanat aqwam-e-ghaalib ki hai ek jadugari

    KHwab se be-dar hota hai zara mahkum agar

    phir sula deti hai us ko hukmaran ki sahiri

    jadu-e-mahmud ki tasir se chashm-e-ayaz

    dekhti hai halqa-e-gardan mein saz-e-dil-bari

    KHun-e-israil aa jata hai aaKHir josh mein

    toD deta hai koi musa tilism-e-samari

    sarwari zeba faqat us zat-e-be-hamta ko hai

    hukmaran hai ek wahi baqi butan-e-azari

    az ghulami fitrat-e-azad ra ruswa makun

    ta-tarashi KHwaja-e-az-barahman kafir teri

    hai wahi saz-e-kuhan maghrib ka jamhuri nizam

    jis ke pardon mein nahin ghair-az-nawa-e-qaisari

    dew-e-istibdad jamhuri qaba mein pa-e-kub

    tu samajhta hai ye aazadi ki hai nilam-pari

    majlis-e-ain-o-islah-o-riayat-o-huquq

    tibb-e-maghrib mein maze miThe asar KHwab-awari

    garmi-e-guftar aaza-e-majalis al-aman

    ye bhi ek sarmaya-daron ki hai jang-e-zargari

    is sarab-e-rang-o-bu ko gulistan samjha hai tu

    aah ai nadan qafas ko aashiyan samjha hai tu

    sarmaya-o-mehnat

    banda-e-mazdur ko ja kar mera paigham de

    KHizr ka paigham kya hai ye payam-e-kaenat

    ai ki tujh ko kha gaya sarmaya-dar-e-hila-gar

    shaKH-e-ahu par rahi sadiyon talak teri baraat

    dast-e-daulat-afrin ko muzd yun milti rahi

    ahl-e-sarwat jaise dete hain gharibon ko zakat

    sahir-al-mut ne tujh ko diya barg-e-hashish

    aur tu ai be-KHabar samjha use shaKH-e-nabaat

    nasl qaumiyat kalisa saltanat tahzib rang

    KHwajgi ne KHub chun chun ke banae muskiraat

    kaT mara nadan KHayali dewtaon ke liye

    sukr ki lazzat mein tu luTwa gaya naqd-e-hayat

    makr ki chaalon se bazi le gaya sarmaya-dar

    intiha-e-sadgi se kha gaya mazdur mat

    uTh ki ab bazm-e-jahan ka aur hi andaz hai

    mashriq-o-maghrib mein tere daur ka aaghaz hai

    himmat-e-ali to dariya bhi nahin karti qubul

    ghuncha san ghafil tere daman mein shabnam kab talak

    naghma-e-bedari-e-jamhur hai saman-e-aish

    qissa-e-KHwab-awar askandar-o-jam kab talak

    aaftab-e-taza paida batn-e-giti se hua

    aasman Dube hue taron ka matam kab talak

    toD Dalin fitrat-e-insan ne zanjiren tamam

    duri-e-jannat se roti chashm-e-adam kab talak

    baghban-e-chaara-farma se ye kahti hai bahaar

    zaKHm-e-gul ke waste tadbir-e-marham kab talak

    kirmak-e-nadan tawaf-e-shama se aazad ho

    apni fitrat ke tajalli-zar mein aabaad ho

    duniya-e-islam

    kya sunata hai mujhe turk-o-arab ki dastan

    mujh se kuchh pinhan nahin islamiyon ka soz-o-saz

    le gae taslis ke farzand miras-e-KHalil

    KHisht-e-buniyaad-e-kalisa ban gai KHak-e-hijaz

    ho gai ruswa zamane mein kulah-e-lala-rang

    jo sarapa naz the hain aaj majbur-e-niyaz

    le raha hai mai-faroshan-e-farangistan se pars

    wo mai-e-sarkash hararat jis ki hai mina-gudaz

    hikmat-e-maghrib se millat ki ye kaifiyyat hui

    TukDe TukDe jis tarah sone ko kar deta hai gaz

    ho gaya manind-e-ab arzan musalman ka lahu

    muztarib hai tu ki tera dil nahin dana-e-raaz

    guft rumi har bana-e-kuhana ki-abaadan kunand

    mi na-dani awwal aan buniyaad ra viran kunand

    mulk hathon se gaya millat ki aankhen khul gain

    haq tera chashme ata kar dast-e-ghafil dar nigar

    momyai ki gadai se to behtar hai shikast

    mor-e-be-par hajate pesh-e-sulaimane mabar

    rabt-o-zabt-e-millat-e-baiza hai mashriq ki najat

    asia wale hain is nukte se ab tak be-KHabar

    phir siyasat chhoD kar daKHil hisar-e-din mein ho

    mulk-o-daulat hai faqat hifz-e-haram ka ek samar

    ek hun muslim haram ki pasbani ke liye

    nil ke sahil se le kar ta-ba-KHak-e-kashghar

    jo karega imtiyaz-e-rang-o-KHun miT jaega

    turk-e-KHargahi ho ya aarabi-e-wala-guhar

    nasl agar muslim ki mazhab par muqaddam ho gai

    uD gaya duniya se tu manind-e-KHak-e-rah-guzar

    ta-KHilafat ki bina duniya mein ho phir ustuwar

    la kahin se DhunD kar aslaf ka qalb-o-jigar

    ai ki na-shinasi KHafi ra az jali hushiyar bash

    ai giraftar-e-abu-bakr-o-ali hushiyar-bash

    ishq ko fariyaad lazim thi so wo bhi ho chuki

    ab zara dil tham kar fariyaad ki tasir dekh

    tu ne dekha satwat-e-raftar-e-dariya ka uruj

    mauj-e-muztar kis tarah banti hai ab zanjir dekh

    aam hurriyat ka jo dekha tha KHwab islam ne

    ai musalman aaj to us KHwab ki tabir dekh

    apni KHakistar samundar ko hai saman-e-wajud

    mar ke phir hota hai paida ye jahan-e-pir dekh

    khol kar aankhen mere aaina-e-guftar mein

    aane wale daur ki dhundli si ek taswir dekh

    aazmuda fitna hai ek aur bhi gardun ke pas

    samne taqdir ke ruswai-e-tadbir dekh

    muslim asti sina ra az aarzu-abaad dar

    har zaman pesh-e-nazar la-yuKHlif-ul-miad dar

    Videos
    This video is playing from YouTube

    Videos
    This video is playing from YouTube

    Zulfiqar Ali Bukhari

    Zulfiqar Ali Bukhari

    Source :
    • Book : کلیات اقبال (Pg. 255)
    • Author : علامہ اقبال
    • Publication : ایجوکیشنل پبلشنگ ہاؤس،دہلی (2014)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY