khoi khoi raat

nigāhoñ se ojhal raho tum

hazāroñ pardoñ ke pīchhe ġhā.eb ho jaao

aur dil meñ

aisā sannāTā chhā jaa.e

jaisā janāza nikalne ke baad

kisī ghar meñ hotā hai

lekin na jaane kyā hai

ki jab ḳhvāb aur bedārī ke darmiyān

khoī khoī sī

alam-nāk bojhal raat

ḳhatm hone ke qarīb aatī hai

aur bechainī ḳhud

thakī haarī be-hoshī ke

gale meñ bāheñ Daal kar

so jaatī hai

unhīñ

bhor ke adh-jage adh-so.e

dhuñdlakoñ meñ

aisā lagtā hai

ki merī band

aañsū bharī

DabDabā.ī āñkhoñ ko

kisī ne halke se chuum liyā

nigahon se ojhal raho tum

hazaron pardon ke pichhe ghaeb ho jao

aur dil mein

aisa sannaTa chha jae

jaisa janaza nikalne ke baad

kisi ghar mein hota hai

lekin na jaane kya hai

ki jab KHwab aur bedari ke darmiyan

khoi khoi si

alam-nak bojhal raat

KHatm hone ke qarib aati hai

aur bechaini KHud

thaki haari be-hoshi ke

gale mein bahen Dal kar

so jati hai

unhin

bhor ke adh-jage adh-soe

dhundlakon mein

aisa lagta hai

ki meri band

aansu bhari

DabDabai aankhon ko

kisi ne halke se chum liya