KHud-kashi

zamīñ ab chalte chalte thak chukī hai

samundar ḳhushk hotā jā rahā hai

falak bhī kitnā būḌhā ho chukā hai

sitāre raushnī khone lage haiñ

ye sayyāre jo gardish kar rahe haiñ

ye sayyāre zamīñ par aa ga.e haiñ

bikhar jā.egā ye shīrāza ik din

sabhī zī-rūh saare jānvar insāñ

ye ik ik saañs māñgeñge zamīñ par

bigaḌ jā.egā jis din bhī tavāzun

hamārī kā.enāt-e-rañg-o-bū kā

zamīñ par husn-e-fitrat ko na kuchlo

ye puurī nasl aadam ke liye ik ḳhud-kushī hai

zamin ab chalte chalte thak chuki hai

samundar KHushk hota ja raha hai

falak bhi kitna buDha ho chuka hai

sitare raushni khone lage hain

ye sayyare jo gardish kar rahe hain

ye sayyare zamin par aa gae hain

bikhar jaega ye shiraaza ek din

sabhi zi-ruh sare jaanwar insan

ye ek ek sans mangenge zamin par

bigaD jaega jis din bhi tawazun

hamari kaenat-e-rang-o-bu ka

zamin par husn-e-fitrat ko na kuchlo

ye puri nasl aadam ke liye ek KHud-kushi hai