KHud-kushi

Noon Meem Rashid

KHud-kushi

Noon Meem Rashid

MORE BYNoon Meem Rashid

    kar chukā huuñ aaj azm-e-āḳhirī

    shaam se pahle kar detā thā maiñ

    chaaT kar dīvār ko nok-e-zabāñ se nā-tavāñ

    sub.h hone tak vo ho jaatī thī dobāra buland,

    raat ko jab ghar ruḳh kartā thā maiñ

    tīrgī ko dekhtā thā sar-nigūñ

    muñh basore rahguzāroñ se lipaTte, sogvār

    ghar pahuñchtā thā maiñ insānoñ se uktāyā huā

    merā azm-e-āḳhirī ye hai ke maiñ

    kuud jā.ūñ sātvīñ manzil se aaj!

    aaj maiñ ne liyā hai zindagī ko be-naqāb,

    aatā jaatā thā baḌī muddat se maiñ

    ek ishva-sāz o harzah-kār mahbūba ke paas

    us ke Taḳht-e-ḳhvāb ke nīche magar

    aaj maiñ ne dekh paayā hai lahū

    taaza o raḳhshāñ lahū,

    bū-e-mai meñ bū-e-ḳhūñ uljhī huii!

    vo abhī tak ḳhvāb-gah meñ lauT kar aa.ī nahīñ

    aur maiñ kar bhī chukā huuñ apnā azm-e-āḳhirī!

    meñ aa.ī hai lagā duuñ ek bebākāna jast

    us darīche meñ se jo

    jhāñktā hai sātvīñ manzil se kū-e-bām ko!

    shaam se pahle kar detā thā maiñ

    chaaT kar dīvār ko nok-e-zabāñ se nā-tavāñ

    sub.h hone tak vo ho jaatī thī dobāra buland

    aaj to āḳhir ham-āġhosh-e-zamīñ ho jā.egī!

    kar chuka hun aaj azm-e-aKHiri

    sham se pahle hi kar deta tha main

    chaT kar diwar ko nok-e-zaban se na-tawan

    subh hone tak wo ho jati thi dobara buland,

    raat ko jab ghar ka ruKH karta tha main

    tirgi ko dekhta tha sar-nigun

    munh basore rahguzaron se lipaTte, sogwar

    ghar pahunchta tha main insanon se uktaya hua

    mera azm-e-aKHiri ye hai ke main

    kud jaun satwin manzil se aaj!

    aaj main ne pa liya hai zindagi ko be-naqab,

    aata jata tha baDi muddat se main

    ek ishwa-saz o harzah-kar mahbuba ke pas

    us ke TaKHt-e-KHwab ke niche magar

    aaj main ne dekh paya hai lahu

    taza o raKHshan lahu,

    bu-e-mai mein bu-e-KHun uljhi hui!

    wo abhi tak KHwab-gah mein lauT kar aai nahin

    aur main kar bhi chuka hun apna azm-e-aKHiri!

    ji mein aai hai laga dun ek bebakana jast

    us dariche mein se jo

    jhankta hai satwin manzil se ku-e-baam ko!

    sham se pahle hi kar deta tha main

    chaT kar diwar ko nok-e-zaban se na-tawan

    subh hone tak wo ho jati thi dobara buland

    aaj to aaKHir ham-aghosh-e-zamin ho jaegi!

    RECITATIONS

    Nomaan Shauque

    Nomaan Shauque

    Nomaan Shauque

    KHud-kushi Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY