KHud ruswa

mere dil meñ ugtī pyaar kī fasl ko

jab logoñ kī nafrat ke fuzle kī khaad milī

to siTe chamak kar sonā ho ga.e

phir vahī fasl kāTne kā vaqt aayā to mere ḳhulūs kī darāñtī kund ho ga.ī

aur dil shikam ke āñsūoñ se bhar aayā

darāñtī ḳhuub chalā.ī ga.ī lekin fasl na kaTī

mere hāthoñ par kīchaḌ lagā huā thā

siTe niile ho chuke the

mohabbat ne ḳhulūs ke saath niyyat ko uThā kar nafrat ke fuzle pe paTaḳh Daalā

aur dard ne mohabbat ke uple naaf par thāpnā shurūa kar diye

mere dil mein ugti pyar ki fasl ko

jab logon ki nafrat ke fuzle ki khad mili

to siTe chamak kar sona ho gae

phir wahi fasl kaTne ka waqt aaya to mere KHulus ki daranti kund ho gai

aur dil shikam ke aansuon se bhar aaya

daranti KHub chalai gai lekin fasl na kaTi

mere hathon par kichaD laga hua tha

siTe nile ho chuke the

mohabbat ne KHulus ke sath niyyat ko uTha kar nafrat ke fuzle pe paTaKH Dala

aur dard ne mohabbat ke uple naf par thapna shurua kar diye