KHush-amdid

jab koī kaam na ho tab bhī mujhe

sochte rahne kā ik kaam to hai

rāhat o dard se mabsūt koī naam to hai

yūñhī baiThā thā maiñ us naam se vābasta mohabbat ke,

udāsī ke darīche khole

itnī chup thī ki ḳhayālāt kī chaap

apnā ehsās dilātī thī mujhe

be-kalī hasab-e-talab us ne na mil sakne kī

hasb-e-ma.amūl satātī thī mujhe

aur phir phone kī ghanTī khankī

terī āvāz kā jharnā phūTā

aur vo naam mujassam ho kar

mere atrāf meñ chakrāne lagā

maiñ ne dekhā ki mire kamre meñ

be-kalī aur udāsī kā darīcha to koī thā hī nahīñ

jab koi kaam na ho tab bhi mujhe

sochte rahne ka ek kaam to hai

rahat o dard se mabsut koi nam to hai

yunhi baiTha tha main us nam se wabasta mohabbat ke,

udasi ke dariche khole

itni chup thi ki KHayalat ki chap

apna ehsas dilati thi mujhe

be-kali hasab-e-talab us ne na mil sakne ki

hasb-e-mamul satati thi mujhe

aur phir phone ki ghanTi khanki

teri aawaz ka jharna phuTa

aur wo nam mujassam ho kar

mere atraf mein chakrane laga

main ne dekha ki mere kamre mein

be-kali aur udasi ka daricha to koi tha hi nahin