KHusha zamanat-e-gham

Faiz Ahmad Faiz

KHusha zamanat-e-gham

Faiz Ahmad Faiz

MORE BY Faiz Ahmad Faiz

    dayār-e-yār tirī joshish-e-junūñ pe salām

    mire vatan tire dāmān-e-tār-tār ḳhair

    rah-e-yaqīñ tirī afshān-e-ḳhak-o-ḳhūñ pe salām

    mire chaman tire zaḳhmoñ ke lāla-zār ḳhair

    har ek ḳhāna-e-vīrāñ tīrgī pe salām

    har ek ḳhāk-basar, ḳhānumāñ-ḳharāb ḳhair

    har ek kushta-e-nā-haq ḳhāmushī pe salām

    har ek dīda-e-pur-nam āb-o-tāb ḳhair

    ravāñ rahe ye rivāyat, ḳhushā zamānat-e-ġham

    nashāt-e-ḳhatm-e-ġham-e-kā.enāt se pahle

    har ik ke saath rahe daulat-e-amānat-e-ġham

    koī najāt na paa.e najāt se pahle

    sakūñ mile na kabhī tere pā-figāroñ ko

    jamāl-e-ḳhūn-e-sar-e-ḳhār ko nazar na lage

    amaañ mile na kahīñ tere jāñ-nisāroñ ko

    jalāl-e-farq-e-sar-e-dār ko nazar na lage

    dayar-e-yar teri joshish-e-junun pe salam

    mere watan tere daman-e-tar-tar ki KHair

    rah-e-yaqin teri afshan-e-KHak-o-KHun pe salam

    mere chaman tere zaKHmon ke lala-zar ki KHair

    har ek KHana-e-viran ki tirgi pe salam

    har ek KHak-basar, KHanuman-KHarab ki KHair

    har ek kushta-e-na-haq ki KHamushi pe salam

    har ek dida-e-pur-nam ki aab-o-tab ki KHair

    rawan rahe ye riwayat, KHusha zamanat-e-gham

    nashat-e-KHatm-e-gham-e-kaenat se pahle

    har ek ke sath rahe daulat-e-amanat-e-gham

    koi najat na pae najat se pahle

    sakun mile na kabhi tere pa-figaron ko

    jamal-e-KHun-e-sar-e-KHar ko nazar na lage

    aman mile na kahin tere jaan-nisaron ko

    jalal-e-farq-e-sar-e-dar ko nazar na lage

    Videos
    This video is playing from YouTube

    Videos
    This video is playing from YouTube

    Faiz Ahmad Faiz

    Faiz Ahmad Faiz

    Source:

    • Book: Nuskha Hai Wafa (Kulliyat-e-Faiz) (Pg. 362)
    • Publication: Educational Publishing House (2009)
    • Edition: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites