aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

KHwahishen aur KHun

Tabassum Kashmiri

KHwahishen aur KHun

Tabassum Kashmiri

MORE BYTabassum Kashmiri

    maiñ ne āshāoñ āñkheñ

    chehre hoñT aur niile baazū

    noch liye haiñ

    un ke garm lahū se maiñ ne

    apne haath bhigo Daale haiñ

    dopahroñ taptī dhuup meñ

    ḳhvāhisheñ apne jism uThā kar

    chobī khiḌkī ke shīshoñ se

    aksar jhāñktī rahtī haiñ

    āñkheñ hoñT aur zaḳhmī baazū

    jaane kyā kuchh mujh se kahte rahte haiñ

    jaane kyā kuchh un se kahtā rahtā huuñ

    raat ga.e tak zaḳhmī ḳhvāhisheñ

    bistar ik ik silvaT se

    nikal nikal kar rotī haiñ

    aur sahar ko un ke ḳhuun se

    apne haath bhigo letā huuñ

    main ne aashaon ki aankhen

    chehre honT aur nile bazu

    noch liye hain

    un ke garm lahu se main ne

    apne hath bhigo Dale hain

    dopahron ki tapti dhup mein

    KHwahishen apne jism uTha kar

    chobi khiDki ke shishon se

    aksar jhankti rahti hain

    aankhen honT aur zaKHmi bazu

    jaane kya kuchh mujh se kahte rahte hain

    jaane kya kuchh un se kahta rahta hun

    raat gae tak zaKHmi KHwahishen

    bistar ki ek ek silwaT se

    nikal nikal kar roti hain

    aur sahar ko un ke KHun se

    apne hath bhigo leta hun

    Source:

    Prindey,phool taalab (Pg. 98)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now