KHwahishon ke aas-pas

khokhle sīnoñ meñ bahtā hai masīhā.ī azaab

ḳhair-o-shar ke mas.ale sab aaj bhī ham-dosh haiñ

raqs mausīqī adab ehsās aur fikr-o-bayāñ

karb meñ Duube hue ḳhākistar-e-ḳhāmosh haiñ

tishnagī muñh khol kar leTī hai jalte farsh par

āsmāñ ro.e to tar ho ārzūoñ kā libās

ḳhvāhishoñ kī mīThī mīThī aañch kī lazzat meñ gum

aadmī bas ghūmtā hai ḳhvāhishoñ ke ās-pās

log nange jism be-chehra daraḳhtoñ kī tarah

DhūñDte haiñ apne bātin meñ havas kī tāzgī

chand tiira sā.atoñ kī jādūī lau ke tufail

ham vajūdoñ kī darāḌoñ meñ phañse haiñ aaj bhī

haath meñ ḳhanjar nigāhoñ meñ liye kuchh mas.ale

har bashar par ḳhanda-zan ye koī Dāyan hai ki raat

apne āñchal meñ sameTe kul jahāñ kī zulmateñ

mahv-e-ġhaflat bhīlnī kā talḳh joban hai ki raat

pattharoñ par jism ragḌo quvvateñ yakjā karo

ḳhud ko sulgāo ki saarī raat ye mash.al jale

aag hī to shān-e-lab hai aag ugalte jaao tum

ḳhvāh shahr-e-dil jale yā jism kā jangal jale

khokhle sinon mein bahta hai masihai azab

KHair-o-shar ke masale sab aaj bhi ham-dosh hain

raqs mausiqi adab ehsas aur fikr-o-bayan

karb mein Dube hue KHakistar-e-KHamosh hain

tishnagi munh khol kar leTi hai jalte farsh par

aasman roe to tar ho aarzuon ka libas

KHwahishon ki miThi miThi aanch ki lazzat mein gum

aadmi bas ghumta hai KHwahishon ke aas-pas

log nange jism be-chehra daraKHton ki tarah

DhunDte hain apne baatin mein hawas ki tazgi

chand tera saaton ki jadui lau ke tufail

hum wajudon ki daraDon mein phanse hain aaj bhi

hath mein KHanjar nigahon mein liye kuchh masale

har bashar par KHanda-zan ye koi Dayan hai ki raat

apne aanchal mein sameTe kul jahan ki zulmaten

mahw-e-ghaflat bhilni ka talKH joban hai ki raat

pattharon par jism ragDo quwwaten yakja karo

KHud ko sulgao ki sari raat ye mashal jale

aag hi to shan-e-lab hai aag ugalte jao tum

KHwah shahr-e-dil jale ya jism ka jangal jale