kiDe

mire kapḌoñ ko kiiḌe khā ga.e to maiñ ne ye sochā

mire nañge badan kā bhī yahī anjām honā hai

magar ye jaan kar maiñ kitnā ḳhush huuñ kitnā āsūda

ki merī ruuh merā zehn

aur afkār-o-ehsāsāt haiñ

mahfūz kīḌoñ se

mujhe un kā ḳhayāl aatā hai

jin kī ruuh ko aur zehn ko

chāTā hai kīḌoñ ne

chhupānā chāhte haiñ jo libās-e-fāḳhira meñ an-ginat kiiḌe

dabānā chāhte haiñ itr kī ḳhushbū se jo bātin kī badbū meñ

jinheñ kīḌoñ ne kiiḌā kar diyā hai

lekin

nazar aate haiñ jo ab bhī hameñ insān kī sūrat

ki haiñ kuchh aur din

un ke libās un ke badan

mahfūz kīḌoñ se

vo din nazdīk hai jab un par zahrīlī davā chhiḌkeñge

nasl-e-nau ke dānish-var

mere kapDon ko kiDe kha gae to main ne ye socha

mere nange badan ka bhi yahi anjam hona hai

magar ye jaan kar main kitna KHush hun kitna aasuda

ki meri ruh mera zehn

aur afkar-o-ehsasat hain

mahfuz kiDon se

mujhe un ka KHayal aata hai

jin ki ruh ko aur zehn ko

chaTa hai kiDon ne

chhupana chahte hain jo libas-e-faKHira mein an-ginat kiDe

dabana chahte hain itr ki KHushbu se jo baatin ki badbu mein

jinhen kiDon ne kiDa kar diya hai

lekin

nazar aate hain jo ab bhi hamein insan ki surat

ki hain kuchh aur din

un ke libas un ke badan

mahfuz kiDon se

wo din nazdik hai jab un par zahrili dawa chhiDkenge

nasl-e-nau ke danish-war