kirshn-chandr

abhī to fōtpath ke makīnoñ kī qismatoñ meñ

gharoñ ke sapne haiñ nā-mukammal

abhī to raste tavīl haiñ

raah meñ gaDDhe haiñ

abhī to jangeñ haiñ

sarhadeñ haiñ

muhājrat hai

abhī to zātoñ kā devtā muskurā rahā hai

abhī shikasteñ haiñ chār-jānib

abhī mohabbat barahna-pā hai

abhī hai shahr-e-butāñ kā markaz

bahut sā resham

bahut sī chāñdī

bahut sā sonā

abhī to insān tul rahā hai

abhī havā.eñ jilā-vatan haiñ

abhī hai ḳhushbū gurez-pā

kohar hai dhuāñ hai

abhī surañgeñ haiñ lambī lambī

aur un surañgoñ ke paar kyā hai

kise patā hai

ki ab vo āñkheñ nahīñ rahīñ jin meñ raushnī thī

abhi to footpath ke makinon ki qismaton mein

gharon ke sapne hain na-mukammal

abhi to raste tawil hain

rah mein gaDDhe hain

abhi to jangen hain

sarhaden hain

muhajrat hai

abhi to zaton ka dewta muskura raha hai

abhi shikasten hain chaar-jaanib

abhi mohabbat barahna-pa hai

abhi hai shahr-e-butan ka markaz

bahut sa resham

bahut si chandi

bahut sa sona

abhi to insan tul raha hai

abhi hawaen jila-watan hain

abhi hai KHushbu gurez-pa

kohar hai dhuan hai

abhi surangen hain lambi lambi

aur un surangon ke par kya hai

kise pata hai

ki ab wo aankhen nahin rahin jin mein raushni thi