aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kirshn ka KHitab

Sabir Abuhari

kirshn ka KHitab

Sabir Abuhari

MORE BYSabir Abuhari

    fanā hone lagtā hai jis vaqt dharm

    masīhā-nafas ban ke aatā huuñ maiñ

    atā kar ke us ko na.ī zindagī

    tabāhī zad se bachātā huuñ maiñ

    miTā kar zamāne se bātil naam

    sadāqat Dankā bajātā huuñ maiñ

    kamar-basta hote haiñ jo jang par

    unheñ rāh-e-ulfat dikhātā huuñ maiñ

    suneñ jo na phir bhī nasīhat mirī

    zamāne se un ko miTātā huuñ maiñ

    jo laḌte haiñ duniyā meñ haq ke liye

    zafar-yāb un ko banātā huuñ maiñ

    bajā kar kabhī to madhur bansurī

    mohabbat ke naġhme sunātā huuñ maiñ

    kabhī garm kartā huuñ maidān-e-jang

    shujā.at ke jauhar dikhātā huuñ maiñ

    kabhī jang meñ bahr-e-irfān-e-haq

    fasāhat ke dariyā bahātā huuñ maiñ

    sikhā kar bashar ko rumūz-e-hayāt

    farishtoñ ham-sar banātā huuñ maiñ

    jo laate haiñ īmāñ mirī zaat par

    gunāhoñ se un ko bachātā huuñ maiñ

    unheñ baḳhshtā huuñ baqā-e-davām

    jinheñ mo'taqid apnā paatā huuñ maiñ

    sharan meñ jo aate haiñ 'sābir' mirī

    tanāsuḳh se un ko chhuḌātā huuñ maiñ

    fana hone lagta hai jis waqt dharm

    masiha-nafas ban ke aata hun main

    ata kar ke us ko nai zindagi

    tabahi ki zad se bachata hun main

    miTa kar zamane se baatil ka nam

    sadaqat ka Danka bajata hun main

    kamar-basta hote hain jo jang par

    unhen rah-e-ulfat dikhata hun main

    sunen jo na phir bhi nasihat meri

    zamane se un ko miTata hun main

    jo laDte hain duniya mein haq ke liye

    zafar-yab un ko banata hun main

    baja kar kabhi to madhur bansuri

    mohabbat ke naghme sunata hun main

    kabhi garm karta hun maidan-e-jang

    shujaat ke jauhar dikhata hun main

    kabhi jang mein bahr-e-irfan-e-haq

    fasahat ke dariya bahata hun main

    sikha kar bashar ko rumuz-e-hayat

    farishton ka ham-sar banata hun main

    jo late hain iman meri zat par

    gunahon se un ko bachata hun main

    unhen baKHshta hun baqa-e-dawam

    jinhen mo'taqid apna pata hun main

    sharan mein jo aate hain 'sabir' meri

    tanasuKH se un ko chhuData hun main

    Source:

    (Pg. 106)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now