kise guman tha

kise gumāñ thā ki āsmāñ se zamīñ pe paiġhām aa sakeñge

payambaroñ kī jamā.atoñ meñ ham aadmī kā shumār hogā

kise gumāñ thā ki bādshāhoñ ke taḳht qadmoñ meñ aa gireñge

kise gumāñ thā ki mo.ajaze sab haqīqatoñ se dikhā.ī deñge

kise gumāñ thā mashīñ chalegī to ibn-e-ādam kā ḳhuuñ jalegā

kise gumāñ thā ki shāh-rāhoñ pe hashr jaisī hī bhiiḌ hogī

ham ajnabī se nikal paḌeñge kafan se apnā badan chhupā.e

hisāb lene hisāb dene ham ajnabī se nikal paḌeñge

kise gumāñ thā ki āsmāñ se zamīñ pe paiġhām aa sakeñge

kise guman tha ki aasman se zamin pe paigham aa sakenge

payambaron ki jamaaton mein hum aadmi ka shumar hoga

kise guman tha ki baadshahon ke taKHt qadmon mein aa girenge

kise guman tha ki moajaze sab haqiqaton se dikhai denge

kise guman tha mashin chalegi to ibn-e-adam ka KHun jalega

kise guman tha ki shah-rahon pe hashr jaisi hi bhiD hogi

hum ajnabi se nikal paDenge kafan se apna badan chhupae

hisab lene hisab dene hum ajnabi se nikal paDenge

kise guman tha ki aasman se zamin pe paigham aa sakenge