kuchh nahin badalne wala

phir vahī māhaul vahī shor-sharāba

vahī kuchh na.e purāne chehroñ kā bol-bālā

phir se saj ga.ī tabdīliyoñ kī manDiyāñ

par asl meñ kuchh nahīñ badalne vaalā

phir chīḳhte phir rahe bad-havās chehre

phir rache jāneñ lageñ haiñ saDyantr gahre

phir se gūñjne lageñ haiñ fazāoñ meñ na.are

pichhlaggū ban ga.e haiñ kuchh bhuuk ke maare

phir se ye batā.ī jaane lagī badlāv kī bāteñ

phir se kursī qabzāne ko hone lagīñ haiñ ghāteñ

phir se aa gayā hai chunāv kā mausam pāñch-sāla

par asl meñ kuchh nahīñ badalne vaalā

kuchh aa jā.eñge chehre na.e purāne

ban ke rahnumā lag jā.eñge desh ko khāne

phir shurūa hogā aam aadmī kī taqdīr se khel

phir bhejā jā.egā kuchh haare huoñ ko jail

phir se nayāy kā Dhoñg rachāyā jā.egā

aadmī ko roTī ke va.ade se bahlāyā jā.egā

phir se hogā lūT-khasūT kā nañgā naach

phir jhūTh ko batāyā jā.egā sāñch

mujhe jalā.egī mere andar kī aañch

aur TūTte sapne chubheñge ban ke kāñch

phir se zindagī bunñe lagegī makaḌ-jālā

maiñ jāntā huuñ ki kuchh nahīñ badalne vaalā

phir wahi mahaul wahi shor-sharaba

wahi kuchh nae purane chehron ka bol-baala

phir se saj gai tabdiliyon ki manDiyan

par asl mein kuchh nahin badalne wala

phir chiKHte phir rahe bad-hawas chehre

phir rache jaanen lagen hain saDyantr gahre

phir se gunjne lagen hain fazaon mein nare

pichhlaggu ban gae hain kuchh bhuk ke mare

phir se ye batai jaane lagi badlaw ki baaten

phir se kursi qabzane ko hone lagin hain ghaten

phir se aa gaya hai chunaw ka mausam panch-sala

par asl mein kuchh nahin badalne wala

kuchh aa jaenge chehre nae purane

ban ke rahnuma lag jaenge desh ko khane

phir shurua hoga aam aadmi ki taqdir se khel

phir bheja jaega kuchh haare huon ko jail

phir se nayay ka Dhong rachaya jaega

aadmi ko roTi ke wade se bahlaya jaega

phir se hoga luT-khasuT ka nanga nach

phir jhuTh ko bataya jaega sanch

mujhe jalaegi mere andar ki aanch

aur TuTte sapne chubhenge ban ke kanch

phir se zindagi bunne lagegi makaD-jala

main jaanta hun ki kuchh nahin badalne wala