kutta bhaunkta hai

Noon Meem Danish

kutta bhaunkta hai

Noon Meem Danish

MORE BYNoon Meem Danish

    purāne shahar vīrāñ galī meñ

    jab bhī aadhī raat hotī hai

    to kuttā bhauñktā hai

    kuttā bhauñktā hai

    ek saayā ubhartā hai

    mire kamre ke vīrāñ taaq par rakkhe

    diye lau laraztī hai

    saḌak ke ik sire se ajnabī chaap ubhartī hai

    udāsī ghar ke darvāze par aa kar

    bain kartī hai

    aur kuttā bhauñktā hai

    kuttā bhauñktā hai

    nīm-shab ko dushmanoñ fauj yalġhār se

    shahzādiyāñ sab

    sar barahna bhāgtī haiñ

    aur raaja qatl hotā hai

    fasīl-e-shahr pe sar kaaT kar laTkā.e jaate haiñ

    nayā farmān jaarī hotā hai

    aur itā.at ke liye sab log jhukte haiñ

    zamīñ par

    āsmāñ se ik sitāra TuuT girtā hai

    havā fariyād kartī hai

    daraḳhtoñ meñ ajab sargoshiyāñ hone lagtī haiñ

    mire kamre ke vīrāñ taaq par rakkhe

    diye lau laraztī hai

    aur azhdahā nikal kar fāḳhta narm gardan se

    lipaTtā hai

    rivāyat hai hamāre shahr

    jab bhī musībat aatī hai

    to nīm-shab ko azāneñ gūñjtī haiñ

    log jāneñ shahr pe koī qayāmat aa.ī hai

    is shab

    ġhanīm-e-shahar ke aage

    itā.at ke liye sab log jhukte haiñ

    azaañ koī nahīñ detā

    purāne shahr vīrāñ galī meñ

    ek kuttā bhauñktā hai

    purane shahar ki viran gali mein

    jab bhi aadhi raat hoti hai

    to kutta bhaunkta hai

    kutta bhaunkta hai

    ek saya sa ubharta hai

    mere kamre ke viran taq par rakkhe

    diye ki lau larazti hai

    saDak ke ek sire se ajnabi si chap ubharti hai

    udasi ghar ke darwaze par aa kar

    bain karti hai

    aur kutta bhaunkta hai

    kutta bhaunkta hai

    nim-shab ko dushmanon ki fauj ki yalghaar se

    shahzadiyan sab

    sar barahna bhagti hain

    aur raja qatl hota hai

    fasil-e-shahr pe sar kaT kar laTkae jate hain

    naya farman jari hota hai

    aur itaat ke liye sab log jhukte hain

    zamin par

    aasman se ek sitara TuT girta hai

    hawa fariyaad karti hai

    daraKHton mein ajab sargoshiyan si hone lagti hain

    mere kamre ke viran taq par rakkhe

    diye ki lau larazti hai

    aur azhdaha nikal kar faKHta ki narm gardan se

    lipaTta hai

    riwayat hai hamare shahr ki

    jab bhi musibat aati hai

    to nim-shab ko azanen gunjti hain

    log jaanen shahr pe koi qayamat aai hai

    is shab

    ghanim-e-shahar ke aage

    itaat ke liye sab log jhukte hain

    azan koi nahin deta

    purane shahr ki viran gali mein

    ek kutta bhaunkta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY