aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kya dhoka dene aaogi

Ibn e Insha

kya dhoka dene aaogi

Ibn e Insha

MORE BYIbn e Insha

    ham banjāre dil vaale haiñ

    aur paiñTh meñ Dere Daale haiñ

    tum dhokā dene vaalī ho?

    ham dhokā khāne vaale haiñ

    is meñ to nahīñ sharmāogī?

    kyā dhokā dene āogī?

    sab maal nikālo, le aao

    ai bastī vaalo le aao

    ye tan jhūTā jaadū bhī

    ye man jhūTī ḳhushbū bhī

    ye taal banāte aañsū bhī

    ye jaal bichhāte gesū bhī

    ye larzish Dolte siine

    par sach nahīñ bolte siine

    ye hoñT bhii, ham se kyā chorī

    kyā sach-much jhūTe haiñ gorī?

    in ramzoñ meñ in ghātoñ meñ

    in va.adoñ meñ in bātoñ meñ

    kuchh khoT haqīqat to nahīñ?

    kuchh mail sadāqat to nahīñ?

    ye saare dhoke le aao

    ye pyāre dhoke le aao

    kyuuñ rakkho ḳhud se duur hameñ

    jo daam kaho manzūr hameñ

    in kāñch ke mankoñ ke badle

    haañ bolo gorī kyā logī?

    tum ek jahān ashrafiyāñ?

    dil aur jaan ashrafiyāñ?

    hum banjare dil wale hain

    aur painTh mein Dere Dale hain

    tum dhoka dene wali ho?

    hum dhoka khane wale hain

    is mein to nahin sharmaogi?

    kya dhoka dene aaogi?

    sab mal nikalo, le aao

    ai basti walo le aao

    ye tan ka jhuTa jadu bhi

    ye man ki jhuTi KHushbu bhi

    ye tal banate aansu bhi

    ye jal bichhate gesu bhi

    ye larzish Dolte sine ki

    par sach nahin bolte sine ki

    ye honT bhi, hum se kya chori

    kya sach-much jhuTe hain gori?

    in ramzon mein in ghaton mein

    in wadon mein in baaton mein

    kuchh khoT haqiqat ka to nahin?

    kuchh mail sadaqat ka to nahin?

    ye sare dhoke le aao

    ye pyare dhoke le aao

    kyun rakkho KHud se dur hamein

    jo dam kaho manzur hamein

    in kanch ke mankon ke badle

    han bolo gori kya logi?

    tum ek jahan ki ashrafiyan?

    ya dil aur jaan ki ashrafiyan?

    Source:

    Is Basti ke ik Kooche Men (Pg. 68)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now