kya hona mumkin hai

agar tum kisī din kuchh ban jaao

ya.anī tum ek harf ban jaao

jo ab tak kisī hurūf-e-tahajjī kā hissa na ho

tū jadliyātī māddiyat ke mutābiq kyā hogī tumhārī

haisiyat

kyā kaheñge tumhāre baare meñ ahl sharī.at

kis maqām par rakheñge tumheñ ahl-e-tarīqat?

kaun sī jamhūriyat tumheñ qubūl karegī

kyā sulūk kareñge tumhāre saath māherīn

lissniyāt?

kaise tai kiyā jā.egā tumhāre liye koī naam?

kaise muqarrar kī jā.egī āvāz?

kyā kareñge jadīdi.e aur mā-ba.ad-al-jadīdi.e?

zarūr tumhārā rishta karāne ko koshish kī jā.egī

aur is se pahle

tai kī jā.egī tumhārī jins

lekin kaise tai kī jā.egī tumhārī jins

kyā qubūl kar sakegā tumheñ koī lafz?

qubūl bhī kar liyā

kisī matrūk yā nā-qābil-e-istimāl ne

to kyā karegī grammar

kyā banegā grammar kī kitāboñ kaa?

zarūr tumheñ jilā vatan kar diyā jā.egā

zarūr kisī din sab ikaTThe hoñge

aur qatl kar degā tumheñ

ijtimā.ī mafād yā qaumī salāmtī ke pesh-e-nazar

sañgsār kar degā

nā-jā.ez aur nā-tahqīq hone ke jurm meñ

aur shāyad tum bhī yahī samjhoge

aaise hone se to behtar hai

na honā

agar tum kisi din kuchh ban jao

yani tum ek harf ban jao

jo ab tak kisi huruf-e-tahajji ka hissa na ho

tu jadliyati maddiyat ke mutabiq kya hogi tumhaari

haisiyat

kya kahenge tumhaare bare mein ahl shariat

kis maqam par rakhenge tumhein ahl-e-tariqat?

kaun si jamhuriyat tumhein qubul karegi

kya suluk karenge tumhaare sath maherin

lissniyat?

kaise tai kiya jaega tumhaare liye koi nam?

kaise muqarrar ki jaegi aawaz?

kya karenge jadidie aur ma-baad-al-jadidie?

zarur tumhaara rishta karane ko koshish ki jaegi

aur is se pahle

tai ki jaegi tumhaari jins

lekin kaise tai ki jaegi tumhaari jins

kya qubul kar sakega tumhein koi lafz?

qubul bhi kar liya

kisi matruk ya na-qabil-e-istimal ne

to kya karegi grammar

kya banega grammar ki kitabon ka?

zarur tumhein jila watan kar diya jaega

zarur kisi din sab ikaTThe honge

aur qatl kar dega tumhein

ijtimai mafad ya qaumi salamti ke pesh-e-nazar

sangsar kar dega

na-jaez aur na-tahqiq hone ke jurm mein

aur shayad tum bhi yahi samjhoge

aaise hone se to behtar hai

na hona