kya palun
kyā pālūñ maiñ kyā pālūñ
kis ko maiñ ghar meñ lā.ūñ
hāthī achchhā lagtā hai
kyoñ na us ko maiñ pālūñ
magar bahut vo khātā hai
kaise use khilā.uñgā
ḳhud bhūkā rah jā.ūñgā
nahīñ nahīñ jī nahīñ nahīñ
us ko ghar meñ lā.ūñ nahīñ
kyā pālūñ maiñ kyā pālūñ
kis ko maiñ ghar meñ lā.ūñ
pyārā hai zarāfa bhī
kyoñ na us ko pālūñ maiñ
gardan us kī lambī hai
ghar meñ kaise aa.egā
chhat ko toḌ vo jā.egā
nahīñ nahīñ jī nahīñ nahīñ
us ko ghar meñ lā.ūñ nahīñ
kyā pālūñ maiñ kyā pālūñ
kis ko maiñ ghar meñ lā.ūñ
babar sher bhī pyārā hai
kyoñ na us ko pālūñ maiñ
magar vo ek darinda hai
ham sab ko khā jā.egā
sab ko maar vo jā.egā
nahīñ nahīñ jī nahīñ nahīñ
us ko ghar meñ lā.ūñ nahīñ
kyā pālūñ maiñ kyā pālūñ
kis ko maiñ ghar meñ lā.ūñ
shoḳh baḌā hai bandar bhī
kyoñ na us ko pālūñ maiñ
magar sharīr bahut hai vo
ghar miTTī meñ bhar degā
naak meñ dam vo kar degā
nahīñ nahīñ jī nahīñ nahīñ
us ko ghar meñ lā.ūñ nahīñ
kyā pālūñ maiñ kyā pālūñ
kis ko maiñ ghar meñ lā.ūñ
maano kyā mā'sūm sī hai
kyoñ na us ko pālūñ maiñ
suthrī saaf vo rahtī hai
us ko paas sulā.ūñgā
pakkā dost banā.ūñgā
haañ jī haañ jī haañ jī haañ
usī ko ghar meñ lā.ūñ haañ
kya palun main kya palun
kis ko main ghar mein laun
hathi achchha lagta hai
kyon na us ko main palun
magar bahut wo khata hai
kaise use khilaunga
KHud bhuka rah jaunga
nahin nahin ji nahin nahin
us ko ghar mein laun nahin
kya palun main kya palun
kis ko main ghar mein laun
pyara hai zarafa bhi
kyon na us ko palun main
gardan us ki lambi hai
ghar mein kaise aaega
chhat ko toD wo jaega
nahin nahin ji nahin nahin
us ko ghar mein laun nahin
kya palun main kya palun
kis ko main ghar mein laun
babar sher bhi pyara hai
kyon na us ko palun main
magar wo ek darinda hai
hum sab ko kha jaega
sab ko mar wo jaega
nahin nahin ji nahin nahin
us ko ghar mein laun nahin
kya palun main kya palun
kis ko main ghar mein laun
shoKH baDa hai bandar bhi
kyon na us ko palun main
magar sharir bahut hai wo
ghar miTTi mein bhar dega
nak mein dam wo kar dega
nahin nahin ji nahin nahin
us ko ghar mein laun nahin
kya palun main kya palun
kis ko main ghar mein laun
mano kya ma'sum si hai
kyon na us ko palun main
suthri saf wo rahti hai
us ko pas sulaunga
pakka dost banaunga
han ji han ji han ji han
usi ko ghar mein laun han
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
