aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

la bhi hai ek guman

Faheem Shanas Kazmi

la bhi hai ek guman

Faheem Shanas Kazmi

MORE BYFaheem Shanas Kazmi

    tum ne kyā dekhā yahāñ kuchh bhī nahīñ

    ham ne kyā paayā yahāñ kuchh bhī nahīñ

    ''be-kasī haa.e tamannā ki na duniyā hai na dīñ''

    ''lā'' se āġhāz fasāne huā

    ''lā'' se tahzīb zamāne huī

    ''lā'' tafsīr nahīñ hai mumkin

    ''lā'' se ishq āġhāz huā

    ishq hai ek balā

    ishq saffāk o havasnāk darīda-dāman

    jis ke qadmoñ se bipharte hue dariyā umDe

    jis āñkhoñ se dahakte hue hiire nikle

    jis ke hāthoñ pe chamakte hue mahtāb utre

    ishq vo aag ki jo aur jilā de jaa.e

    ishq vo ḳhvāb ki jo niiñd uḌā le jaa.e

    is qadar sarkash o saffāk ki bas

    dasht-e-kāshān se dillī safar

    ''nigah-e-jalva-parast aur nafas-e-sidq-guzīñ''

    ik ''ubhai-chand mire nāma-e-a.amāl meñ hai

    ālam-e-kul ḳhvāb meñ hai

    sañg-e-marmar usī masjid ke

    surḳh zīnoñ pe lahū bahtā hai

    aaj bhī kal tarah hañstā hai

    kufr masjid meñ bahātā hai lahū

    ishq sajde meñ kahe ''shukr-allāh''

    shāhabād bhī tūfān meñ bahtā jaa.e

    aur 'dārā' hai kisī soch meñ ġharq

    masnad-e-adl sipah-sālār aur taḳht meñ ham-fikrī hai

    ek hai ''mullā-qavī''

    ek hai bas yahāñ ''ālamgīr''

    aur maqtal meñ akelā 'sarmad'

    ruḳh-e-tārīḳh badalne ko hai

    us ke ash.ār se taḳht laraz jaatā hai

    aaise advār ka.ī baar zamīñ par guzre

    kaise talvār ne maftūh qalam karne ko

    haath kaaTe haiñ zabāñ kaaTī hai sar kaaTe haiñ

    ham ne dekhā hai khulī āñkhoñ se

    aaj kaun kare ab ta.azīm

    kal takzīb nahīñ ho saktī

    raakh se ghar to nahīñ ban sakte

    koh meñ dar to nahīñ ban sakte

    ḳhvāb fariyād nahīñ kar sakte

    ḳhvāb dekhā hai khulī āñkhoñ se

    chāñd ko ḳhuuñ meñ nahāte ham ne

    sar khule dasht ko mātam karte

    aur mahallāt ko khañDaroñ meñ badalte dekhā

    kizb ko adl har faisla karte dekhā

    taḳht ko vaqt fir.aun bhī bante dekhā

    zer-e-shamshīr ye 'sarmad' ne kahā hañste hue

    ''masnad-e-adl-o-musāvāt yahāñ kuchh bhī nahīñ

    ''lā'' bhī hai ek gumāñ

    aur gumāñ kuchh bhī nahīñ''

    tum ne kya dekha yahan kuchh bhi nahin

    hum ne kya paya yahan kuchh bhi nahin

    be-kasi hae tamanna ki na duniya hai na din

    la se aaghaz fasane ka hua

    la se tahzib zamane ki hui

    la ki tafsir nahin hai mumkin

    la hi se ishq ka aaghaz hua

    ishq hai ek bala

    ishq saffak o hawasnak darida-daman

    jis ke qadmon se bipharte hue dariya umDe

    jis ki aankhon se dahakte hue hire nikle

    jis ke hathon pe chamakte hue mahtab utre

    ishq wo aag ki jo aur jila de jae

    ishq wo KHwab ki jo nind uDa le jae

    is qadar sarkash o saffak ki bas

    dasht-e-kashan se dilli ka safar

    nigah-e-jalwa-parast aur nafas-e-sidq-guzin

    ek ubhai-chand mere nama-e-amal mein hai

    aalam-e-kul KHwab mein hai

    sang-e-marmar ki usi masjid ke

    surKH zinon pe lahu bahta hai

    aaj bhi kal ki tarah hansta hai

    kufr masjid mein bahata hai lahu

    ishq sajde mein kahe shukr-allah

    shahabaad bhi tufan mein bahta jae

    aur 'dara' hai kisi soch mein gharq

    masnad-e-adl sipah-salar aur taKHt mein ham-fikri hai

    ek hai mulla-qawi

    ek hai bas yahan aalamgir

    aur maqtal mein akela 'sarmad'

    ruKH-e-tariKH badalne ko hai

    us ke ashaar hi se taKHt laraz jata hai

    aaise adwar kai bar zamin par guzre

    kaise talwar ne maftuh qalam karne ko

    hath kaTe hain zaban kaTi hai sar kaTe hain

    hum ne dekha hai khuli aankhon se

    aaj ki kaun kare ab tazim

    kal ki takzib nahin ho sakti

    rakh se ghar to nahin ban sakte

    koh mein dar to nahin ban sakte

    KHwab fariyaad nahin kar sakte

    KHwab dekha hai khuli aankhon se

    chand ko KHun mein nahate hum ne

    sar khule dasht ko matam karte

    aur mahallat ko khanDaron mein badalte dekha

    kizb ko adl ka har faisla karte dekha

    taKHt ko waqt ka firaun bhi bante dekha

    zer-e-shamshir ye 'sarmad' ne kaha hanste hue

    masnad-e-adl-o-musawat yahan kuchh bhi nahin

    la bhi hai ek guman

    aur guman kuchh bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now