la se KHala tak
abu-jehl an-paḌh kahāñ thā
ki an-paḌh to nabī the
jinheñ lā pe isrār thā
aur ye bhī
ki lā se ḳhalā tak
ḳhalā se pare bhī
ḳhudā kā jahāñ thā
ki merāj-e-ādam meñ
takrīm-e-ādam
ḳhudā lā-makāñ thā
abu-jehl apne qabīle meñ
afzal thā ālim-sifat thā
ki ajdād ne jin butoñ ko tarāshā
abu-jehl ne un ko sajda kiyā
lā ko jaanā tamāshā
abu-jehl an-paDh kahan tha
ki an-paDh to nabi the
jinhen la pe israr tha
aur ye bhi
ki la se KHala tak
KHala se pare bhi
KHuda ka jahan tha
ki meraj-e-adam mein
takrim-e-adam
KHuda la-makan tha
abu-jehl apne qabile mein
afzal tha aalim-sifat tha
ki ajdad ne jin buton ko tarasha
abu-jehl ne un ko sajda kiya
la ko jaana tamasha
- Book : Pakistani Adab (Pg. 174)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.