lakhon mein ek monTu

mammy ḳhafā haiñ un kī suntā nahīñ hai monTū

paapā ko hai shikāyat paḌhtā nahīñ hai monTū

aur monTū miyāñ ab hairān se khaḌe haiñ

sun sun ke DaañT un ke to kaan pak ga.e haiñ

ho phantom ki Tan Tan yā tarzan ke qisse

kyā kyā nahīñ paḌhā hai kyā kyā nahīñ vo paḌhte

aur is pe ye shikāyat paḌhtā nahīñ hai kuchh bhī

paḌhnā nahīñ to kyā hai had hai zyādtī kī

kam aa.e haiñ jo number aisā bhī kyā huā hai

har baar aao avval ye kis jagah likhā hai

apnī taraf se parcha likhā thā Thiik yuuñ to

examiner se shāyad kuchh bhuul ho ga.ī ho

itnā bhī kyā bigaḌnā kyā fail ho ga.e haiñ

is imtihān se aage sau imtihāñ paḌe haiñ

kyā monTū miyāñ haiñ sab log dekh leñge

har imtihāñ meñ avval ab aa ke ham raheñge

mammy saheliyoñ meñ bāñTeñgī tab miThā.ī

jo aaj DāñTte haiñ deñge vo kal badhā.ī

ḳhush ho ke ek ik se kahte phireñge paapā

ye apnā monTū to lākhoñ meñ ek niklā

mammy KHafa hain un ki sunta nahin hai monTu

papa ko hai shikayat paDhta nahin hai monTu

aur monTu miyan ab hairan se khaDe hain

sun sun ke DanT un ke to kan pak gae hain

ho phantom ki Tan Tan ya tarzan ke qisse

kya kya nahin paDha hai kya kya nahin wo paDhte

aur is pe ye shikayat paDhta nahin hai kuchh bhi

paDhna nahin to kya hai had hai zyaadti ki

kam aae hain jo number aisa bhi kya hua hai

har bar aao awwal ye kis jagah likha hai

apni taraf se parcha likha tha Thik yun to

examiner se shayad kuchh bhul ho gai ho

itna bhi kya bigaDna kya fail ho gae hain

is imtihan se aage sau imtihan paDe hain

kya monTu miyan hain sab log dekh lenge

har imtihan mein awwal ab aa ke hum rahenge

mammy saheliyon mein banTengi tab miThai

jo aaj DanTte hain denge wo kal badhai

KHush ho ke ek ek se kahte phirenge papa

ye apna monTu to lakhon mein ek nikla