lab-e-goya

Ahmad Rahi

lab-e-goya

Ahmad Rahi

MORE BY Ahmad Rahi

    ab to shāyad isī andāz se jiinā hogā

    us ke har zulm ko be-dād ko chup-chāp saheñ

    yuuñ to kahne ko bahut kuchh hai magar āThoñ pahar

    ik yahī fikr hai kis tarah kaheñ kis se kaheñ

    dekhtī āñkhoñ se ham se to ye hogā na kabhī

    is bharī bazm meñ ham sūrat-e-tasvīr raheñ

    baat kahne jo anjām huā kartā hai

    āshkārā hai kisī se bhī to mastūr nahīñ

    vo jo āqāoñ ke dastūr ko Thukrā ke baḌheñ

    vādī-e-dār-o-rasan un se koī duur nahīñ

    ham bhī shāyad usī manzil meñ pahuñch kar dam leñ

    dahr meñ ġhalba-e-zulmat hameñ manzūr nahīñ

    qaid kyā shai hai salāsil haqīqat kyā hai

    jism pāband sahī fikr to mahsūr nahīñ

    dil meñ jo baat khaTaktī ho agar dil meñ rahe

    maslahat-keshī hai ye sheva-e-mansūr nahīñ

    ab to shayad isi andaz se jina hoga

    us ke har zulm ko be-dad ko chup-chap sahen

    yun to kahne ko bahut kuchh hai magar aaThon pahar

    ek yahi fikr hai kis tarah kahen kis se kahen

    dekhti aankhon se hum se to ye hoga na kabhi

    is bhari bazm mein hum surat-e-taswir rahen

    baat kahne ka jo anjam hua karta hai

    aashkara hai kisi se bhi to mastur nahin

    wo jo aaqaon ke dastur ko Thukra ke baDhen

    wadi-e-dar-o-rasan un se koi dur nahin

    hum bhi shayad usi manzil mein pahunch kar dam len

    dahr mein ghalba-e-zulmat hamein manzur nahin

    qaid kya shai hai salasil ki haqiqat kya hai

    jism paband sahi fikr to mahsur nahin

    dil mein jo baat khaTakti ho agar dil mein rahe

    maslahat-keshi hai ye shewa-e-mansur nahin

    Source:

    • Book: Rag-e-jan (Pg. 111)
    • Author: Ahmad Rahi
    • Publication: Al-Hamd Publication (2005)
    • Edition: 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites