laDakpan ki yaad

to mujh ko ham-nashīñ apnā laḌakpan yaad aatā hai

kabhī ḳhālī clāssoñ meñ jo bachche ġhul machāte haiñ

kisī anjān shā.ir kī ġhazal mil jul ke gaate haiñ

ḳhushī se nāchte haiñ desk par tabla bajāte haiñ

to mujh ko ham-nashīñ apnā laḌakpan yaad aatā hai

huā kartī hai jab chhuTTī to chanchal sar-phire ḳhud-sar

liye hāthoñ meñ baste mārte fōtbāl ko Thokar

uchhalte kūdte bachche nazar aate haiñ saḌkoñ par

to mujh ko ham-nashīñ apnā laḌakpan yaad aatā hai

kabhī is shāḳh se us shāḳh par bachche uchhalte haiñ

kabhī shāḳhoñ pe jhūle Daal kar zālim machalte haiñ

samāñ ye dekh kar maañ baap ke siine dahalte haiñ

to mujh ko ham-nashīñ apnā laḌakpan yaad aatā hai

koī shāgird jab sāthī ko apne gudgudātā hai

vo sāthī ho ke aajiz sāmne fariyād laatā hai

class us bebasī par chupke chupke muskurātā hai

to mujh ko ham-nashīñ apnā laḌakpan yaad aatā hai

hazāroñ shoḳhiyāñ hotī haiñ bachpan ke zamāne meñ

chubho kar pin koī bachcha kisī bachche ke shāne meñ

huā kartā hai jab mashġhūl tanzan muskurāne meñ

to mujh ko ham-nashīñ apnā laḌakpan yaad aatā hai

to mujh ko ham-nashin apna laDakpan yaad aata hai

kabhi KHali classon mein jo bachche ghul machate hain

kisi anjaan shair ki ghazal mil jul ke gate hain

KHushi se nachte hain desk par tabla bajate hain

to mujh ko ham-nashin apna laDakpan yaad aata hai

hua karti hai jab chhuTTi to chanchal sar-phire KHud-sar

liye hathon mein baste marte footbaal ko Thokar

uchhalte kudte bachche nazar aate hain saDkon par

to mujh ko ham-nashin apna laDakpan yaad aata hai

kabhi is shaKH se us shaKH par bachche uchhalte hain

kabhi shaKHon pe jhule Dal kar zalim machalte hain

saman ye dekh kar man bap ke sine dahalte hain

to mujh ko ham-nashin apna laDakpan yaad aata hai

koi shagird jab sathi ko apne gudgudata hai

wo sathi ho ke aajiz samne fariyaad lata hai

class us bebasi par chupke chupke muskuraata hai

to mujh ko ham-nashin apna laDakpan yaad aata hai

hazaron shoKHiyan hoti hain bachpan ke zamane mein

chubho kar pin koi bachcha kisi bachche ke shane mein

hua karta hai jab mashghul tanzan muskurane mein

to mujh ko ham-nashin apna laDakpan yaad aata hai