lahron ka aatish-fishan

ye aañsū be-sabab bante nahīñ haiñ

inheñ tum sirf paanī kah ke mat Taalo

bahut se hādse aa.e magar ye tsunami-lahreñ

har aafat se aage haiñ hamāre dil hilā kar

āñsuoñ kā sail ban kar bah rahā hai

hazāroñ be-sahārā log

yuuñ bhī marne vaale the

magar zer-e-zamīñ paanī samundar kī ye lahreñ

jism ke TukḌe ko miTTī banā kar khā ga.ī haiñ

jise sab zalzale kā naam dete haiñ

āḳhir samundar kī ye lahreñ zamīñ ko chaak kar ke aa.iiñ haiñ

is tarah miTTī ko miTTī se milātī haiñ

hamāre ashk bahne do

ki ġham har gaam rag rag meñ samāyā hai

hameñ ġham thā hamārī ibtidā ġham se huī thī

aur intihā bhī ġham hai

magar ye āñsuoñ kā sail bahne do

ki shāyad kuchh sakūñ mil jaa.e

mere dīda-e-bīnā ko āḳhirī lamhe

ye aansu be-sabab bante nahin hain

inhen tum sirf pani kah ke mat Talo

bahut se hadse aae magar ye tsunami-lahren

har aafat se aage hain hamare dil hila kar

aansuon ka sail ban kar bah raha hai

hazaron be-sahaara log

yun bhi marne wale the

magar zer-e-zamin pani samundar ki ye lahren

jism ke TukDe ko miTTi bana kar kha gai hain

jise sab zalzale ka nam dete hain

aaKHir samundar ki ye lahren zamin ko chaak kar ke aain hain

is tarah miTTi ko miTTi se milati hain

hamare ashk bahne do

ki gham har gam rag rag mein samaya hai

hamein gham tha hamari ibtida gham se hui thi

aur intiha bhi gham hai

magar ye aansuon ka sail bahne do

ki shayad kuchh sakun mil jae

mere dida-e-bina ko aaKHiri lamhe