lahu bolta hai 5

maiñ apne ḳhuuñ ko javāb detā huuñ

nichlā dhaḌ mere saath rahne do

mere hissa hai merā maiñ hai

ki apne haivāñ kī pahlī manzil se chalne vaalā

ki apne insāñ kī sīḌhiyoñ tak pahuñchne vaalā

mirā hī jauhar thā

shahd kā qatra qatra haivāñ thā

apne insāñ kī sīḌhiyoñ se bhī aur ūñchā

vo mansab-e-nasl jo farishtoñ se bālā-tar hai

jo merī aamad kā muntazir hai

mire hī jauhar ke tīsre āḳhirī qadam kā amiin hogā

mujhe ḳhabar hai

ki aane vāloñ ko

dasht-e-imkāñ meñ ik na.e naqsh-e-pā ke abadī vajūd kā bhī yaqīn hogā

main apne KHun ko jawab deta hun

nichla dhaD mere sath rahne do

mere hissa hai mera main hai

ki apne haiwan ki pahli manzil se chalne wala

ki apne insan ki siDhiyon tak pahunchne wala

mera hi jauhar tha

shahd ka qatra qatra haiwan tha

apne insan ki siDhiyon se bhi aur uncha

wo mansab-e-nasl jo farishton se baala-tar hai

jo meri aamad ka muntazir hai

mere hi jauhar ke tisre aaKHiri qadam ka amin hoga

mujhe KHabar hai

ki aane walon ko

dasht-e-imkan mein ek nae naqsh-e-pa ke abadi wajud ka bhi yaqin hoga