lahu ka suragh
kahīñ nahīñ hai kahīñ bhī nahīñ lahū kā surāġh
na dast-o-nāḳhun-e-qātil na āstīñ pe nishāñ
na surḳhi-e-lab-e-ḳhanjar na rañg-e-nok-e-sināñ
na ḳhaak par koī dhabbā na baam par koī daaġh
kahīñ nahīñ hai kahīñ bhī nahīñ lahū kā surāġh
na sarf-e-ḳhidmat-e-shāhāñ ki ḳhūñ-bahā dete
na diiñ kī nazr ki bai.āna-e-jazā dete
na razm-gāh meñ barsā ki mo'tabar hotā
kisī alam pe raqam ho ke mushtahar hotā
pukārtā rahā be-āsrā yatīm lahū
kisī ko bahr-e-samā.at na vaqt thā na dimāġh
na mudda.ī na shahādat hisāb paak huā
ye ḳhūn-e-ḳhāk-nashīnāñ thā rizq-e-ḳhāk huā
No Sign of Blood
kahin nahin hai kahin bhi nahin lahu ka suragh
na dast-o-naKHun-e-qatil na aastin pe nishan
na surKHi-e-lab-e-KHanjar na rang-e-nok-e-sinan
na KHak par koi dhabba na baam par koi dagh
kahin nahin hai kahin bhi nahin lahu ka suragh
na sarf-e-KHidmat-e-shahan ki KHun-baha dete
na din ki nazr ki baiana-e-jaza dete
na razm-gah mein barsa ki mo'tabar hota
kisi alam pe raqam ho ke mushtahar hota
pukarta raha be-asra yatim lahu
kisi ko bahr-e-samaat na waqt tha na dimagh
na muddai na shahadat hisab pak hua
ye KHun-e-KHak-nashinan tha rizq-e-KHak hua
No Sign of Blood
Source:
Nuskha Hai Wafa (Pg. 401)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
