lamhon ki parastar

Qateel Shifai

lamhon ki parastar

Qateel Shifai

MORE BYQateel Shifai

    maiñ ne chāhā thā use ruuh rāhat ke liye

    aaj vo jaan āzār banī baiThī hai

    merī ā.ankhoñ ne jise phuul se nāzuk samjhā

    ab vo chaltī huī talvār banī baiThī hai

    ham-safar ban ke jise naaz thā hamrāhī par

    rahzanoñ vo taraf-dār banī baiThī hai

    kisī afsāne kirdār banī baiThī hai

    us ma.asūmiyat-e-dil pe bharosa thā mujhe

    azm-e-sītā qasam ismat-e-maryam qasam

    yaad haiñ us ke vo hañste hue aañsū mujh ko

    ḳhanda-e-gul qasam girya-e-shabnam qasam

    us ne jo kuchh bhī kahā maiñ ne vahī maan liyā

    hukm-e-havvā qasam jazba-e-ādam qasam

    paak thī ruuh mirī chashma-e-zamzam qasam

    maiñ ne chāhā thā use dil meñ chhupā luuñ aise

    jism meñ jaise lahū siip meñ jaise motī

    umr bhar maiñ na jhapaktā kabhī apnī āñhkeñ

    mere zānūñ pe vo sar rakh ke hamesha sotī

    sham-e-yak-shab to samajhtā hai use ek jahāñ

    kaash ho jaatī vo mere liye jīvan-jotī

    dar-ba-dar us tamāzat na pareshāñ hotī

    maiñ use le ke bahut duur nikal jā.ūñ magar

    vo mirī raah meñ dīvār banī baiThī hai

    zindagī bhar parastish use manzūr nahīñ

    vo to lamhoñ parastār banī baiThī hai

    maiñ ne chāhā thā use ruuh rāhat ke liye

    vo magar jaan āzār banī baiThī hai

    kisī afsāne kirdār banī baiThī hai

    main ne chaha tha use ruh ki rahat ke liye

    aaj wo jaan ka aazar bani baiThi hai

    meri aaankhon ne jise phul se nazuk samjha

    ab wo chalti hui talwar bani baiThi hai

    ham-safar ban ke jise naz tha hamrahi par

    rahzanon ki wo taraf-dar bani baiThi hai

    kisi afsane ka kirdar bani baiThi hai

    us ki masumiyat-e-dil pe bharosa tha mujhe

    azm-e-sita ki qasam ismat-e-maryam ki qasam

    yaad hain us ke wo hanste hue aansu mujh ko

    KHanda-e-gul ki qasam girya-e-shabnam ki qasam

    us ne jo kuchh bhi kaha main ne wahi man liya

    hukm-e-hawwa ki qasam jazba-e-adam ki qasam

    pak thi ruh meri chashma-e-zamzam ki qasam

    main ne chaha tha use dil mein chhupa lun aise

    jism mein jaise lahu sip mein jaise moti

    umr bhar main na jhapakta kabhi apni aanhken

    mere zanun pe wo sar rakh ke hamesha soti

    sham-e-yak-shab to samajhta hai use ek jahan

    kash ho jati wo mere liye jiwan-joti

    dar-ba-dar us ki tamazat na pareshan hoti

    main use le ke bahut dur nikal jaun magar

    wo meri rah mein diwar bani baiThi hai

    zindagi bhar ki parastish use manzur nahin

    wo to lamhon ki parastar bani baiThi hai

    main ne chaha tha use ruh ki rahat ke liye

    wo magar jaan ka aazar bani baiThi hai

    kisi afsane ka kirdar bani baiThi hai

    Source :
    • Book : kalam-e-qateel shifai (Pg. 282)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY