likhna jo chahta tha

likhnā jo chāhtā thā vo likkhā nahīñ gayā

nīñdoñ meñ ḳhvāb miT ga.e

alfāz kho ga.e

ik ḳhāmoshī kā peḌ mire dil meñ bo ga.e

bārish meñ bad-havāsī ke

saare nuqūsh harfoñ ke dhundlā ke bah ga.e

aañsū ne jo bhī dekhā thā us ko miTā diyā

dil ne havas kī aag ko saarī jalā diyā

koī na rañg-o-rūp

dil-e-dard ke qarīb

aashā bhī miT ga.ī hai nirāshā bhī miT ga.ī

dil meñ koī bhī zauq-e-tamāshā nahīñ rahe

apne liye to koī bhī achchhā nahīñ rahe

manzar nahīñ rahe haiñ to āñkheñ nahīñ rahīñ

ḳhāmosh hai zabān ki bāteñ nahīñ rahīñ

sab pāra-pāra ho gayā kis iftirāq meñ

ḳhālī makān sā hai kahāñ darmiyān meñ

kuchh zehn meñ nahīñ hai maiñ likkhūñ to kyā likhūñ

saare nuqūsh ghire haiñ qadam maiñ kahāñ rakhūñ

koī rāsta nahīñ hai maiñ kis samt meñ chalūñ

manzil dikhā.ī de to maiñ us kī taraf baḌhūñ

āvāz kho ga.ī ki iz.hār maiñ karūñ

jī chāhtā hai chullū bhar paanī meñ hī marūñ

koī rāsta nahīñ hai

batāo maiñ kyā karūñ

likhnā jo chāhtā thā vo likkhā nahīñ gayā

kyā qabr meñ sunā.ūñgā unheñ maiñ dāstāñ

munkir-nakīr ko maiñ

bulā.ūñ na kyuuñ yahāñ

vo lafz saath le ke aa.eñ

to maiñ likkhūñ

ek aisī nazm jo ho hikāyat na.ī na.ī

ban jaa.e jis se merī bhī qismat na.ī na.ī

ā.īna-e-jamāl-e-huvaidā ko kyā huā

diida kī raushnī ko nazāra ko kyā huā

sab kho ga.e haiñ dānish o bīnish kahāñ chaleñ

ab vaqt hī nahīñ hai ki dil ko sameT leñ

sab kuchh udhār khāyā thā kaise adā kareñ

is nafs kar svaad meñ jī kar bhī kiyā kareñ

dariyā kināre jaa.eñ vahāñ Duub maro haiñ

phir is ke ba.ad hogā kyā

magar fan ham ko kuchh nahīñ

haañ jānte haiñ

duur kī gaañv ke kanār

uglegī rāsta ho ke bahut yād-e-be-karāñ

hāthoñ meñ apnī paas se kamī lā.egī bahār

ghabrā ke saare gaañv ke baasī pukāreñge

julūsī jalāo naak ke kiiḌe sidhāreñge

phir chalo chalo

lakḌiyoñ ke Dher par hameñ

kareñge savār vo

ki ban ke phir

aag ke nisār

jab raakh apnī dariyā meñ phir se bahā.enge

sāhil kī miTTī meñ na.e gul muskurā.eñge

khetoñ meñ taaza buuTe

na.e paude

phir se ubhar ā.eñge

shāyad ki ḳhatm ho na kabhī bhī ye silsila

kitnā bhī tum pukāro use der der tak

kitnī hī kar lo baiTh kar tum na.ī duā

gar āsān hotā vo sunñā

tumhārī nidā

kartā koī davā

hotā na sāneha

har har qadam pe karte

sajda har kahīñ

is zindagī kā hotā

har ik lamha jāñ-fizā

har pal meñ nuur hotā

sunsān vādiyoñ meñ

chamaktā ye qāfila

aur phailtī zamīn par

is nuur kī nahā

har samt chāñd hotā

har ik samt āftāb

phir paikaroñ meñ Dhal ke har ik ḳhvāb

aate hī mire rū-ba-rū

nayā sā qalam koī

chalte ham is ke saath bahut duur par kahīñ

phir likhte dāstān-e-vajūd-o-adam kahīñ

ruktā na phir kahīñ bhī

hamārā qalam kahīñ

likhnā jo chāhtā thā vo likhā nahīñ gayā

likhna jo chahta tha wo likkha nahin gaya

nindon mein KHwab miT gae

alfaz kho gae

ek KHamoshi ka peD mere dil mein bo gae

barish mein bad-hawasi ke

sare nuqush harfon ke dhundla ke bah gae

aansu ne jo bhi dekha tha us ko miTa diya

dil ne hawas ki aag ko sari jala diya

koi na rang-o-rup

dil-e-dard ke qarib

aasha bhi miT gai hai nirasha bhi miT gai

dil mein koi bhi zauq-e-tamasha nahin rahe

apne liye to koi bhi achchha nahin rahe

manzar nahin rahe hain to aankhen nahin rahin

KHamosh hai zaban ki baaten nahin rahin

sab para-para ho gaya kis iftiraq mein

KHali makan sa hai kahan darmiyan mein

kuchh zehn mein nahin hai main likkhun to kya likhun

sare nuqush ghire hain qadam main kahan rakhun

koi rasta nahin hai main kis samt mein chalun

manzil dikhai de to main us ki taraf baDhun

aawaz kho gai ki izhaar main karun

ji chahta hai chullu bhar pani mein hi marun

koi rasta nahin hai

batao main kya karun

likhna jo chahta tha wo likkha nahin gaya

kya qabr mein sunaunga unhen main dastan

munkir-nakir ko main

bulaun na kyun yahan

wo lafz sath le ke aaen

to main likkhun

ek aisi nazm jo ho hikayat nai nai

ban jae jis se meri bhi qismat nai nai

aaina-e-jamal-e-huwaida ko kya hua

dida ki raushni ko nazara ko kya hua

sab kho gae hain danish o binish kahan chalen

ab waqt hi nahin hai ki dil ko sameT len

sab kuchh udhaar khaya tha kaise ada karen

is nafs kar swad mein ji kar bhi kiya karen

dariya kinare jaen wahan Dub maro hain

phir is ke baad hoga kya

magar fan hum ko kuchh nahin

han jaante hain

dur ki ganw ke kanar

uglegi rasta ho ke bahut yaad-e-be-karan

hathon mein apni pas se kami laegi bahaar

ghabra ke sare ganw ke basi pukarenge

julusi jalao nak ke kiDe sidhaarenge

phir chalo chalo

lakDiyon ke Dher par hamein

karenge sawar wo

ki ban ke phir

aag ke nisar

jab rakh apni dariya mein phir se bahaenge

sahil ki miTTi mein nae gul muskuraenge

kheton mein taza buTe

nae paude

phir se ubhar aaenge

shayad ki KHatm ho na kabhi bhi ye silsila

kitna bhi tum pukaro use der der tak

kitni hi kar lo baiTh kar tum nai dua

gar aasan hota wo sunna

tumhaari nida

karta koi dawa

hota na saneha

har har qadam pe karte

sajda har kahin

is zindagi ka hota

har ek lamha jaan-fiza

har pal mein nur hota

sunsan wadiyon mein

chamakta ye qafila

aur phailti zamin par

is nur ki naha

har samt chand hota

har ek samt aaftab

phir paikaron mein Dhal ke har ek KHwab

aate hi mere ru-ba-ru

naya sa qalam koi

chalte hum is ke sath bahut dur par kahin

phir likhte dastan-e-wajud-o-adam kahin

rukta na phir kahin bhi

hamara qalam kahin

likhna jo chahta tha wo likha nahin gaya