lucknow

maazī kī tajallī se māmūr ye kāshāna

ehsās-e-musalmāñ ko kar detā hai dīvāna

allāh re bedardī tūfān-e-havādis kī

duniyā meñ haqīqat bhī ban jaatī hai afsāna

aalam kī nigāhoñ se utre hue aivāno

be-sāḳhta ashkoñ kā hāzir hai ye nazrāna

ab husn kī mahfil meñ hasrat sī barastī hai

vo ġhamza-e-hindī haiñ nai ishva-e-turkāna

ġham azmat-e-rafta kā siine meñ liye apne

sayyāh se kahtā hai har zarra ye afsāna

sar le ke hathelī par ubhrī thī jo duniyā meñ

us qaum ko le Duubā shuġhl-e-mai-o-mai-ḳhāna

mazi ki tajalli se mamur ye kashana

ehsas-e-musalman ko kar deta hai diwana

allah re bedardi tufan-e-hawadis ki

duniya mein haqiqat bhi ban jati hai afsana

aalam ki nigahon se utre hue aiwano

be-saKHta ashkon ka hazir hai ye nazrana

ab husn ki mahfil mein hasrat si barasti hai

wo ghamza-e-hindi hain nai ishwa-e-turkana

gham azmat-e-rafta ka sine mein liye apne

sayyah se kahta hai har zarra ye afsana

sar le ke hatheli par ubhri thi jo duniya mein

us qaum ko le Duba shughl-e-mai-o-mai-KHana