madar-e-hindostan

chaman ke zarre zarre se sadā ḳhushiyoñ kī aatī hai

ki āzādī ke naġhme aaj bulbul gungunātī hai

kalī khil kar bahāroñ ke chaman meñ giit gaatī hai

chaman kyā aaj to saarī ḳhudā.ī muskurātī hai

bahār aakar chaman meñ ik nayā muzhda sunātī hai

zamāna raqs meñ hai zindagī ḳhushiyāñ manātī hai

diyā ḳhūn-e-jigar ham ne to gulshan meñ bahār aa.ī

bahut muddat ke baad āḳhir ye jān-e-intizār aa.ī

diloñ kī be-qarārī kā yahī le kar qarār aa.ī

ḳhushā-qismat chaman meñ andalīb-e-naġhma-bār aa.ī

ye āzādī vatan meñ ik na.ī duniyā basātī hai

chaman meñ ab jidhar dekho javānī muskurātī hai

magar ik maḳhmase meñ mādar-e-hindostāñ hai aaj

use darkār ahl-e-hind kā azm-e-javāñ hai aaj

miTānā dushmanoñ kā dahr se nām-o-nishāñ hai aaj

kamar bāñdhe hue bhārat kā har pīr-o-javāñ hai aaj

hai vo naġhma har ik lab par ki dhartī chauñk jaatī hai

tirī lalkār se 'rif.at' ye duniyā thartharātī hai

chaman ke zarre zarre se sada KHushiyon ki aati hai

ki aazadi ke naghme aaj bulbul gungunati hai

kali khil kar bahaaron ke chaman mein git gati hai

chaman kya aaj to sari KHudai muskuraati hai

bahaar aakar chaman mein ek naya muzhda sunati hai

zamana raqs mein hai zindagi KHushiyan manati hai

diya KHun-e-jigar hum ne to gulshan mein bahaar aai

bahut muddat ke baad aaKHir ye jaan-e-intizar aai

dilon ki be-qarari ka yahi le kar qarar aai

KHusha-qismat chaman mein andalib-e-naghma-bar aai

ye aazadi watan mein ek nai duniya basati hai

chaman mein ab jidhar dekho jawani muskuraati hai

magar ek maKHmase mein madar-e-hindostan hai aaj

use darkar ahl-e-hind ka azm-e-jawan hai aaj

miTana dushmanon ka dahr se nam-o-nishan hai aaj

kamar bandhe hue bhaarat ka har pir-o-jawan hai aaj

hai wo naghma har ek lab par ki dharti chaunk jati hai

teri lalkar se 'rifat' ye duniya thartharaati hai