man ke qadmon ke niche jannat hai

kyā mere qadmoñ ke nīche bhī jannat hai

pūchhtī huuñ apne bachchoñ se

mere savāl par vo mujhe hairat se dekhte haiñ

maañ ye jannat kyā hotī hai

are ye maiñ ne tum ko nahīñ batāyā

chalo suno

kahte haiñ jo maañ apne bachchoñ ko apne dil ke qarīb rakhtī hai

use jannat miltī hai

maañ ham kyā jaane tumhāre dil meñ kyā hai

ham kyā jaane jannat kyā hai

ham to ye jānte haiñ

tum hamāre dil ke qarīb hamesha ghūmtī ho

kabhī hañste hue

kabhī hamārī pareshāniyoñ par rote hue

tum ne hamesha hamāre liye

hamārī ḳhushiyoñ kī jannat banā.ī

maañ batāo

ye jannat kyā hai

kya mere qadmon ke niche bhi jannat hai

puchhti hun apne bachchon se

mere sawal par wo mujhe hairat se dekhte hain

man ye jannat kya hoti hai

are ye main ne tum ko nahin bataya

chalo suno

kahte hain jo man apne bachchon ko apne dil ke qarib rakhti hai

use jannat milti hai

man hum kya jaane tumhaare dil mein kya hai

hum kya jaane jannat kya hai

hum to ye jaante hain

tum hamare dil ke qarib hamesha ghumti ho

kabhi hanste hue

kabhi hamari pareshaniyon par rote hue

tum ne hamesha hamare liye

hamari KHushiyon ki jannat banai

man batao

ye jannat kya hai