man
maañ tere binā ab mujhe ārām nahīñ hai
lagtā hai ki duniyā se koī kaam nahīñ hai
gulshan kī bahāroñ meñ tujhe DhūñD rahā huuñ
ākāsh ke tāroñ meñ tujhe DhūñD rahā huuñ
lākhoñ meñ hazāroñ meñ tujhe DhūñD rahā huuñ
tujh jaisā magar koī bhī gulfām nahīñ hai
puurī na ho hai kaun sī insāñ kī zarūrat
lauT aatā hai īmān palaT aatī hai daulat
duniyā meñ muqarrar hai har ik chiiz kī qīmat
maañ terī mohabbat kā koī daam nahīñ hai
maañ yaad tirī dil se bhulā.ī nahīñ jaatī
sūrat tirī āñkhoñ se haTā.ī nahīñ jaatī
dil kī vo taḌap hai ki dabā.ī nahīñ jaatī
ḳhālī tirī yādoñ se koī shaam nahīñ hai
pardes meñ ab kaun tujhe yaad karegī
ḳhat likkhegī na likkhūñ to fariyād karegī
dhamkā.egī mujh ko to kabhī shaad karegī
maañ kyā huā ab kyuuñ tirā hañgām nahīñ hai
man tere bina ab mujhe aaram nahin hai
lagta hai ki duniya se koi kaam nahin hai
gulshan ki bahaaron mein tujhe DhunD raha hun
aakash ke taron mein tujhe DhunD raha hun
lakhon mein hazaron mein tujhe DhunD raha hun
tujh jaisa magar koi bhi gulfam nahin hai
puri na ho hai kaun si insan ki zarurat
lauT aata hai iman palaT aati hai daulat
duniya mein muqarrar hai har ek chiz ki qimat
man teri mohabbat ka koi dam nahin hai
man yaad teri dil se bhulai nahin jati
surat teri aankhon se haTai nahin jati
dil ki wo taDap hai ki dabai nahin jati
KHali teri yaadon se koi sham nahin hai
pardes mein ab kaun tujhe yaad karegi
KHat likkhegi na likkhun to fariyaad karegi
dhamkaegi mujh ko to kabhi shad karegi
man kya hua ab kyun tera hangam nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.