aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

mawara

Waheed Akhtar

mawara

Waheed Akhtar

MORE BYWaheed Akhtar

    raah chalte hue ik moḌ pe duur az ummīd

    aañkh jhapkī to mire sāmne vo shoḳh parī-paikar thā

    mere pahlū se vo guzrā magar is tarah ki chehre pe thā haath

    ek mīThī ḳhalish chhoḌ ga.ī dil meñ ye jāñ-soz adā

    māvarā.ī saaya jalva jo gurezāñ hai mirī nazroñ se

    merī bāñhoñ harārat meñ kabhī sham.a ke mānind pighal jaatā thā

    qurb aañch se ye paikar-e-nūr

    ishq ātish-e-sayyāl meñ Dhal jaatā thā

    ek shola rag-o-pai meñ machal jaatā thā

    ye koī dasht-e-tasavvur hasīñ moḌ na thā

    jahāñ ram-dīda ġhazālān-e-taḳhayyul ne use dekhā ho

    ye koī ḳhvāb-e-dil-āvez na thā

    moḌ ojhal huā nazroñ se to phir raah vahī log vahī

    sirf vo chehra vo āñkheñ vo ḳhat-o-ḳhāl na the

    jin se baḌh kar koī nazroñ shanāsā bhī nahīñ

    haa.e vo lamha-e-parāñ vo dil-āvez adā

    yuuñ mile jaise kabhī maiñ ne unheñ dekhnā chāhā bhī nahīñ

    hai rivāyat ki ḳhudāvand-e-ḳhudāyān-e-jahāñ

    apnī rūyat se musharraf yūñhī farmātā hai un bandoñ ko

    jo us lagan meñ shab o roz

    hamd o tasbīh o sanā aur munājāt o duā karte haiñ

    sirf ik diid hasrat meñ jiyā karte haiñ

    āñkhoñ meñ kaaT diyā karte haiñ raat

    tab kisī lamhe meñ vo zāt-e-munazzah ki jo hai ḳhātama-e-jumla-sifāt

    shola-e-husn-e-azal rūh-e-jahāñ jān-e-hayāt

    sub.h ke nuur ke mānind nigāhoñ ko munavvar kartā

    arsh se farsh pe kartā hai nuzūl

    aur usī lamha vo bad-baḳht vo martāzi-e-tasbīh-o-ruku-o-sajda

    nashsha-e-tishnagi-e-dīd se chuur

    ḳhānqāhoñ ke kisī goshe meñ so jaate haiñ

    jis tarah hasrat-e-dīdār meñ ik umr guzārī nahīñ

    aartī jaise kabhī us nigāhoñ ne utārī nahīñ

    aur vo rabb-e-jahāñ rāhat-e-jāñ

    māvarā-e-nigah-e-kaun-o-makāñ

    muñh chhupā.e hue hāthoñ se guzar jaatā hai

    hasrat-e-dīd dar-o-bām se sar phoḌtī rah jaatī hai

    rah chalte hue ek moD pe dur az ummid

    aankh jhapki to mere samne wo shoKH pari-paikar tha

    mere pahlu se wo guzra magar is tarah ki chehre pe tha hath

    ek miThi si KHalish chhoD gai dil mein ye jaan-soz ada

    mawarai saya jalwa jo gurezan hai meri nazron se

    meri banhon ki hararat mein kabhi shama ke manind pighal jata tha

    qurb ki aanch se ye paikar-e-nur

    ishq ki aatish-e-sayyal mein Dhal jata tha

    ek shola sa rag-o-pai mein machal jata tha

    ye koi dasht-e-tasawwur ka hasin moD na tha

    jahan ram-dida ghazalan-e-taKHayyul ne use dekha ho

    ye koi KHwab-e-dil-awez na tha

    moD ojhal hua nazron se to phir rah wahi log wahi

    sirf wo chehra wo aankhen wo KHat-o-KHal na the

    jin se baDh kar koi nazron ka shanasa bhi nahin

    hae wo lamha-e-paran wo dil-awez ada

    yun mile jaise kabhi main ne unhen dekhna chaha bhi nahin

    hai riwayat ki KHudawand-e-KHudayan-e-jahan

    apni ruyat se musharraf yunhi farmata hai un bandon ko

    jo us ki lagan mein shab o roz

    hamd o tasbih o sana aur munajat o dua karte hain

    sirf ek did ki hasrat mein jiya karte hain

    aankhon mein kaT diya karte hain raat

    tab kisi lamhe mein wo zat-e-munazzah ki jo hai KHatama-e-jumla-sifat

    shola-e-husn-e-azal ruh-e-jahan jaan-e-hayat

    subh ke nur ke manind nigahon ko munawwar karta

    arsh se farsh pe karta hai nuzul

    aur usi lamha wo bad-baKHt wo martazi-e-tasbih-o-ruku-o-sajda

    nashsha-e-tishnagi-e-did se chur

    KHanqahon ke kisi goshe mein so jate hain

    jis tarah hasrat-e-didar mein ek umr guzari hi nahin

    aarti jaise kabhi us ki nigahon ne utari hi nahin

    aur wo rabb-e-jahan rahat-e-jaan

    mawara-e-nigah-e-kaun-o-makan

    munh chhupae hue hathon se guzar jata hai

    hasrat-e-did dar-o-baam se sar phoDti rah jati hai

    RECITATIONS

    Nomaan Shauque

    Nomaan Shauque,

    Nomaan Shauque

    mawara Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now