aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

madd-o-jazr

Saadat Saeed

madd-o-jazr

Saadat Saeed

MORE BYSaadat Saeed

    shām-e-hañgām to ham hai

    tasavvur ke khaToloñ pe sajī

    apne ajdād ke ayyām

    tasvīreñ damak uThī haiñ

    aise lagtā hai ki

    zarroñ se nikalte the qamar

    zindagī raqs-kunāñ

    nāzāñ-o-shādāb huā kartī thī

    naddiyāñ duudh bahtī thiiñ

    mo.attar thī havā

    mahfil-e-hast meñ

    har the rasīle panghaT

    sabz peḌoñ pe khilā karte the naġhmoñ ke gulāb

    vahshat-e-ātish-e-auqāt illat to kujā

    koī darmāndagī ke naam se vāqif bhī na thā

    kitne manzar the jinheñ ḳhuld ke manzar kahiye

    ruup nagrī meñ sañgīt ke sāgar kahiye

    aaj chehroñ pe masarrat bhī sarāsīma hai

    vahshat-e-ātish-e-auqāt ne

    āfāt ke sho.ale pheñke

    har taraf maut ke jvālā-mukhī laavā

    saañs lene se pighal jaate haiñ uḌte panchhī

    araz-e-tahzīb ke siine meñ numū-yāfta zahrīle juzām

    qaaf gulfām ābādī ko le Duube haiñ

    vaqt god meñ sūkhe bachche

    chār-sū ghūmte lāġhar rāñjhe

    na.e chañgez na.e nādir-shāh

    aahan ho sharbā ke shab-dīz

    kāhin maktab-e-naḳhshab ke

    fusūñ-kār bagūle haiñ ki

    sarsām ke sar chashme haiñ

    gūñjte shahpar-e-āseb ke ḳhūnī panje

    ādam-e-shā.eq-e-fitrat ke liye

    qufl abjad bhī haiñ

    zanjīreñ bhī

    ruup nagrī meñ bahrūp ke tājir aa.e

    duur desoñ ke fusūñ-kār

    zar kāġhaz rāhat ke liye

    chār-sū kushtoñ ke pushte bhī lage haiñ dekho

    kis qadar ḳhūn-bahā baaqī hai

    āñkheñ pathrā.ī haiñ maaoñ

    ġhulāmān-e-rusūm-e-amvāj

    apnī aqlīm me.arāj

    kahāñ baiThe haiñ

    zarre zarre se nikalte haiñ añdhere bichchhū

    nadī nāloñ meñ havāoñ meñ lahu

    ḳhuld mashriq meñ lahū

    jannat maġhrib meñ lahū

    ruup nagrī meñ

    sañgīt ke sāgar meñ lahū

    merī masjid meñ lahū

    aap ke mandir meñ lahū

    dekhnā ġhaur se ai chāragaro

    merī bakal meñ lahū

    aap chādar meñ lahū

    sham-e-hangam to hum hai

    tasawwur ke khaTolon pe saji

    apne ajdad ke ayyam ki

    taswiren damak uThi hain

    aise lagta hai ki

    zarron se nikalte the qamar

    zindagi raqs-kunan

    nazan-o-shadab hua karti thi

    naddiyan dudh ki bahti thin

    moattar thi hawa

    mahfil-e-hast mein

    har su the rasile panghaT

    sabz peDon pe khila karte the naghmon ke gulab

    wahshat-e-atish-e-auqat ki illat to kuja

    koi darmandagi ke nam se waqif bhi na tha

    kitne manzar the jinhen KHuld ke manzar kahiye

    rup ki nagri mein sangit ke sagar kahiye

    aaj chehron pe masarrat bhi sarasima hai

    wahshat-e-atish-e-auqat ne

    aafat ke shoale phenke

    har taraf maut ke jwala-mukhi ka lawa

    sans lene se pighal jate hain uDte panchhi

    araz-e-tahzib ke sine mein numu-yafta zahrile juzam

    qaf gulfam ki aabaadi ko le Dube hain

    waqt ki god mein sukhe bachche

    chaar-su ghumte laghar ranjhe

    nae changez nae nadir-shah

    aahan ho sharba ke shab-diz

    kahin maktab-e-naKHshab ke

    fusun-kar bagule hain ki

    sarsam ke sar chashme hain

    gunjte shahpar-e-aseb ke KHuni panje

    aadam-e-shaeq-e-fitrat ke liye

    qufl abjad bhi hain

    zanjiren bhi

    rup ki nagri mein bahrup ke tajir aae

    dur deson ke fusun-kar

    zar kaghaz rahat ke liye

    chaar-su kushton ke pushte bhi lage hain dekho

    kis qadar KHun-baha baqi hai

    aankhen pathrai hain maon ki

    ghulaman-e-rusum-e-amwaj

    apni aqlim ki mearaj

    kahan baiThe hain

    zarre zarre se nikalte hain andhere bichchhu

    nadi nalon mein hawaon mein lahu

    KHuld mashriq mein lahu

    jannat maghrib mein lahu

    rup ki nagri mein

    sangit ke sagar mein lahu

    meri masjid mein lahu

    aap ke mandir mein lahu

    dekhna ghaur se ai chaaragaro

    meri bakal mein lahu

    aap ki chadar mein lahu

    Source:

    Pakistani Adab (Pg. 159)

    • Author: Dr. Rashid Amjad
      • Edition: 2009
      • Publisher: Pakistan Academy of Letters, Islambad, Pakistan
      • Year of Publication: 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now