aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

magarmachh ne mujhe nigla hua hai

Rafiq Sandelvi

magarmachh ne mujhe nigla hua hai

Rafiq Sandelvi

MORE BYRafiq Sandelvi

    magarmachh ne mujhe niglā huā hai

    ik janīn-e-nā-tavāñ huuñ

    jis ghaḌī rakkhī ga.ī buniyād merī

    us ghaḌī se

    tīrgī ke peT meñ huuñ

    ḳhuun tarsīl

    āñval se ġhizā

    jaarī hai

    kachchī aañkh ke aage tanī

    mauhūm jhillī haTā kar

    dekhtā huuñ!

    dekhtā huuñ

    garm gahre les ke dariyā meñ

    kachhuoñ, meñDakoñ

    jal-kekḌoñ ke pārachoñ meñ

    ojhaḌī ke khurdure reshoñ meñ

    sālim huuñ

    nabūd o buud ke tārīk andeshoñ meñ

    bāhar kaun hai

    jo zaat ke is ḳhema-e-ḳhākistarī ke

    peT ke phūle hue

    gadle ġhubāre par

    azal se kaan rakh kar sun rahā hai

    sar paTaḳhne

    haath paañv mārne

    karvaT badalne sadā!

    paanī gahrā shor hai

    indar bhī bāhar bhī

    barahna jism se chimTe hue haiñ

    kaa.ī ke reze

    mujhe phir se janam dene ḳhātir

    zachgī ke ik kalāve ne

    ugalne ke kisī va.ade ne

    sadiyoñ se

    mujhe jakḌā huā hai

    maañ

    magarmachh ne mujhe niglā huā hai!!

    magarmachh ne mujhe nigla hua hai

    ek janin-e-na-tawan hun

    jis ghaDi rakkhi gai buniyaad meri

    us ghaDi se

    tirgi ke peT mein hun

    KHun ki tarsil

    aanwal se ghiza

    jari hai

    kachchi aankh ke aage tani

    mauhum si jhilli haTa kar

    dekhta hun!

    dekhta hun

    garm gahre les ke dariya mein

    kachhuon, meinDakon

    jal-kekDon ke parachon mein

    ojhaDi ke khurdure reshon mein

    salim hun

    nabud o bud ke tarik andeshon mein

    bahar kaun hai

    jo zat ke is KHema-e-KHakistari ke

    peT ke phule hue

    gadle ghubare par

    azal se kan rakh kar sun raha hai

    sar paTaKHne

    hath panw marne

    karwaT badalne ki sada!

    pani ka gahra shor hai

    indar bhi bahar bhi

    barahna jism se chimTe hue hain

    kai ke reze

    mujhe phir se janam dene ki KHatir

    zachgi ke ek kalawe ne

    ugalne ke kisi wade ne

    sadiyon se

    mujhe jakDa hua hai

    man

    magarmachh ne mujhe nigla hua hai!!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now