mahatma-gandhi ka qatl

Anand Narayan Mulla

mahatma-gandhi ka qatl

Anand Narayan Mulla

MORE BY Anand Narayan Mulla

    mashriq diyā gul hotā hai maġhrib pe siyāhī chhātī hai

    har dil san ho jaatā hai har saañs lau tharrātī hai

    uttar dakhkhin pūrab pachchhim har samt se ik chīḳh aatī hai

    nau-e-insāñ kāñdhoñ pe liye gāñdhī arthī jaatī hai

    ākāsh ke taare bujhte haiñ dhartī se dhuāñ uThtā hai

    duniyā ko ye lagtā hai jaise sar se koī saayā uThtā hai

    kuchh der ko nabz-e-ālam bhī chalte chalte ruk jaatī hai

    har mulk parcham girtā hai har qaum ko hichkī aatī hai

    tahzīb jahāñ tharrātī hai tārīḳh-e-bashar sharmātī hai

    maut apne kaTe par ḳhud jaise dil dil meñ pachhtātī hai

    insāñ vo uThā jis saanī sadiyoñ meñ bhī duniyā jan na sakī

    mūrat vo miTī naqqāsh se bhī joban ke dobāra ban na sakī

    dekhā nahīñ jaatā āñkhoñ se ye manzar-e-ibratnāk-e-vatan

    phūloñ ke lahū ke pyāse haiñ apne ḳhas-o-ḳhāshāk-e-vatan

    hāthoñ se bujhāyā ḳhud apne vo sho.ala-e-rūh pāk-e-vatan

    daaġh us se siyah-tar koī nahīñ dāman pe tire ai ḳhāk-e-vatan

    paiġhām-e-ajal laa.ī apne us sab se baḌe mohsin ke liye

    ai vā.e-tulū-e-āzādī āzād hue us din ke liye

    jab nāḳhun-e-hikmat TuuTe dushvār ko āsāñ kaun kare

    jab ḳhushk huā abr-e-bārāñ shāḳhoñ ko gul-afshāñ kaun kare

    jab sho.ala-e-mīnā sard ho ḳhud jāmoñ ko farozāñ kaun kare

    jab sūraj gul ho jaa.e tāroñ meñ charāġhāñ kaun kare

    nāshād vatan afsos tirī qismat sitāra TuuT gayā

    uñglī ko pakaḌ kar chalte the jis vahī rahbar chhūT gayā

    us husn se kuchh hastī meñ tirī azdād hue the aa ke baham

    ik ḳhvāb-o-haqīqat sañgam miTTī pe qadam nazroñ meñ iram

    ik jism-e-nahīf-o-zār magar ik azm-e-javān-o-mustahkam

    chashm-e-bīnā ma.asūm dil ḳhurshīd nafas zauq-e-shabnam

    vo ijz-e-ġhurūr-e-sultāñ bhī jis ke aage jhuk jaatā thā

    vo mom ki jis se Takrā kar lohe ko pasīna aatā thā

    siine meñ jo de kāñToñ ko bhī us gul latāfat kyā kahiye

    jo zahar piye amrit kar ke us lab halāvat kyā kahiye

    jis saañs meñ duniyā jaañ paa.e us saañs nik.hat kyā kahiye

    jis maut pe hastī naaz kare us maut azmat kyā kahiye

    ye maut na thī qudrat ne tire sar par rakkhā ik tāj-e-hayāt

    thī ziist tirī merāj-e-vafā aur maut tirī merāj-e-hayāt

    yaksāñ nazdīk-o-dūr pe thā bārān-e-faiz-e-ām tirā

    har dasht-o-chaman har koh-o-daman meñ gūñjā hai paiġhām tirā

    har ḳhushk-o-tar hastī pe raqam hai ḳhatt-e-jalī meñ naam tirā

    har zarre meñ terā ma.abad har qatra tīrath dhaam tirā

    us lutf-o-karam ke aa.iiñ meñ mar kar bhī na kuchh tarmīm huī

    is mulk ke kone kone meñ miTTī bhī tirī taqsīm huī

    tārīḳh meñ qaumoñ ubhre kaise kaise mumtāz bashar

    kuchh mulk ke taḳht-nashīñ kuchh taḳht-falak ke tāj-basar

    apnoñ ke liye jām-o-sahbā auroñ ke liye shamshīr-o-tabar

    nard-e-insāñ Taptī rahī duniyā bisāt-e-tāqat par

    maḳhlūq ḳhudā ban ke sipar maidāñ meñ dilāvar ek

    īmāñ ke payambar aa.e bahut insāñ payambar ek

    bāzū-e-fardā uḌ uḌ ke thake tirī rif.at tak na sake

    zehnoñ tajallī kaam aa.ī ḳhāke bhī tire haath aa na sake

    alfāz-o-ma.anī ḳhatm hue unvāñ bhī tirā apnā na sake

    nazroñ ke kañval jal jal ke bujhe parchhā.īñ bhī terī na sake

    har ilm-o-yaqīñ se bālā-tar hai vo sipehr-e-tābinda

    suufī jahāñ nīchī hai nazar shā.ir tasavvur sharminda

    pastī-e-siyāsat ko ne apne qāmat se rif.at

    īmāñ tañg-ḳhayālī ko insāñ ke ġham vus.at

    har saañs se dars-e-aman diyā har jabr pe dād-e-ulfat

    qātil ko bhī gar lab hil na sake āñkhoñ se duā-e-rahmat

    hinsā ko ahinsā apnī paiġhām sunāne aayā thā

    nafrat maarī duniyā meñ ik prem sandesa laayā thā

    us prem sandese ko tere sīnoñ amānat banñā hai

    sīnoñ se kudūrat dhone ko ik mauj-e-nadāmat banñā hai

    us mauj ko baḌhte baḌhte phir sailāb-e-mohabbat banñā hai

    us sail-e-ravāñ ke dhāre ko is mulk qismat banñā hai

    jab tak na bahegā ye dhārā shādāb na hogā baaġh tirā

    ai ḳhāk-e-vatan dāman se tire Dhulne nahīñ ye daaġh tirā

    jaate jaate bhī to ham ko ik ziist unvāñ de ke gayā

    bujhtī huī sham-e-mahfil ko phir sho.ala-e-raqsāñ de ke gayā

    bhaTke hue gām-e-insāñ ko phir jāda-e-insāñ de ke gayā

    har sāhil-e-zulmat ko apnā mīnār-e-daraḳhshāñ de ke gayā

    chup hai lekin sadiyoñ tak gūñjegī sadā-e-sāz tirī

    duniyā ko añdherī rātoñ meñ Dhāras degī āvāz tirī

    mashriq ka diya gul hota hai maghrib pe siyahi chhati hai

    har dil san sa ho jata hai har sans ki lau tharraati hai

    uttar dakhkhin purab pachchhim har samt se ek chiKH aati hai

    nau-e-insan kandhon pe liye gandhi ki arthi jati hai

    aakash ke tare bujhte hain dharti se dhuan sa uThta hai

    duniya ko ye lagta hai jaise sar se koi saya uThta hai

    kuchh der ko nabz-e-alam bhi chalte chalte ruk jati hai

    har mulk ka parcham girta hai har qaum ko hichki aati hai

    tahzib jahan tharraati hai tariKH-e-bashar sharmati hai

    maut apne kaTe par KHud jaise dil hi dil mein pachhtati hai

    insan wo uTha jis ka sani sadiyon mein bhi duniya jan na saki

    murat wo miTi naqqash se bhi joban ke dobara ban na saki

    dekha nahin jata aankhon se ye manzar-e-ibratnak-e-watan

    phulon ke lahu ke pyase hain apne hi KHas-o-KHashak-e-watan

    hathon se bujhaya KHud apne wo shoala-e-ruh pak-e-watan

    dagh us se siyah-tar koi nahin daman pe tere ai KHak-e-watan

    paigham-e-ajal lai apne us sab se baDe mohsin ke liye

    ai wae-tulu-e-azadi aazad hue us din ke liye

    jab naKHun-e-hikmat hi TuTe dushwar ko aasan kaun kare

    jab KHushk hua abr-e-baran hi shaKHon ko gul-afshan kaun kare

    jab shoala-e-mina sard ho KHud jamon ko farozan kaun kare

    jab suraj hi gul ho jae taron mein charaghan kaun kare

    nashad watan afsos teri qismat ka sitara TuT gaya

    ungli ko pakaD kar chalte the jis ki wahi rahbar chhuT gaya

    us husn se kuchh hasti mein teri azdad hue the aa ke baham

    ek KHwab-o-haqiqat ka sangam miTTi pe qadam nazron mein iram

    ek jism-e-nahif-o-zar magar ek azm-e-jawan-o-mustahkam

    chashm-e-bina masum ka dil KHurshid nafas zauq-e-shabnam

    wo ijz-e-ghurur-e-sultan bhi jis ke aage jhuk jata tha

    wo mom ki jis se Takra kar lohe ko pasina aata tha

    sine mein jo de kanTon ko bhi ja us gul ki latafat kya kahiye

    jo zahar piye amrit kar ke us lab ki halawat kya kahiye

    jis sans mein duniya jaan pae us sans ki nikhat kya kahiye

    jis maut pe hasti naz kare us maut ki azmat kya kahiye

    ye maut na thi qudrat ne tere sar par rakkha ek taj-e-hayat

    thi zist teri meraj-e-wafa aur maut teri meraj-e-hayat

    yaksan nazdik-o-dur pe tha baran-e-faiz-e-am tera

    har dasht-o-chaman har koh-o-daman mein gunja hai paigham tera

    har KHushk-o-tar hasti pe raqam hai KHatt-e-jali mein nam tera

    har zarre mein tera mabad har qatra tirath dham tera

    us lutf-o-karam ke aain mein mar kar bhi na kuchh tarmim hui

    is mulk ke kone kone mein miTTi bhi teri taqsim hui

    tariKH mein qaumon ki ubhre kaise kaise mumtaz bashar

    kuchh mulk ke taKHt-nashin kuchh taKHt-falak ke taj-basar

    apnon ke liye jam-o-sahba auron ke liye shamshir-o-tabar

    nard-e-insan Tapti hi rahi duniya ki bisat-e-taqat par

    maKHluq KHuda ki ban ke sipar maidan mein dilawar ek tu hi

    iman ke payambar aae bahut insan ka payambar ek tu hi

    bazu-e-farda uD uD ke thake teri rifat tak ja na sake

    zehnon ki tajalli kaam aai KHake bhi tere hath aa na sake

    alfaz-o-mani KHatm hue unwan bhi tera apna na sake

    nazron ke kanwal jal jal ke bujhe parchhain bhi teri pa na sake

    har ilm-o-yaqin se baala-tar tu hai wo sipehr-e-tabinda

    sufi ki jahan nichi hai nazar shair ka tasawwur sharminda

    pasti-e-siyasat ko tu ne apne qamat se rifat di

    iman ki tang-KHayali ko insan ke gham ki wusat di

    har sans se dars-e-aman diya har jabr pe dad-e-ulfat di

    qatil ko bhi gar lab hil na sake aankhon se dua-e-rahmat di

    hinsa ko ahinsa ka apni paigham sunane aaya tha

    nafrat ki mari duniya mein ek prem sandesa laya tha

    us prem sandese ko tere sinon ki amanat banna hai

    sinon se kudurat dhone ko ek mauj-e-nadamat banna hai

    us mauj ko baDhte baDhte phir sailab-e-mohabbat banna hai

    us sail-e-rawan ke dhaare ko is mulk ki qismat banna hai

    jab tak na bahega ye dhaara shadab na hoga bagh tera

    ai KHak-e-watan daman se tere Dhulne ka nahin ye dagh tera

    jate jate bhi to hum ko ek zist ka unwan de ke gaya

    bujhti hui sham-e-mahfil ko phir shoala-e-raqsan de ke gaya

    bhaTke hue gam-e-insan ko phir jada-e-insan de ke gaya

    har sahil-e-zulmat ko apna minar-e-daraKHshan de ke gaya

    tu chup hai lekin sadiyon tak gunjegi sada-e-saz teri

    duniya ko andheri raaton mein Dhaaras degi aawaz teri

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY