main albam ke waraq jab bhi ulaTta hun

Ain Tabish

main albam ke waraq jab bhi ulaTta hun

Ain Tabish

MORE BYAin Tabish

    zamāne kho ga.e ā.inda o rafta ke mele meñ

    zamīneñ gum huiiñ paikār-e-has-o-nīst meñ aisī

    koī naqsha makānoñ aur makīnoñ tak

    pahuñchne zariya bhī nahīñ bantā hai

    tasvīreñ ab apnī bastiyoñ meñ

    dam-ba-ḳhud sahmī huī nādim paḌī haiñ

    maiñ albam ke varaq jab bhī ulaTtā huuñ

    to kuchh aañsū ke qatre jhilmilāte haiñ

    fasurda gum-shuda chehre

    ġhubār-e-nā-shanāsā.ī meñ

    kuchh dhuñdle hayyūloñ tarah

    fariyād karte haiñ

    varaq albam ke guzre mausamoñ

    maġhmūm āñkhoñ train khiḌkī se

    hilte hāthoñ pīchhe chhūTtī ābādiyoñ

    ko yaad karte haiñ

    maiñ albam ke varaq jab bhī ulaTtā huuñ

    kisī dasht-e-farāmoshī meñ

    sūkhe peḌ par

    ik āḳhirī patte sūrat

    saare lamhe mujh ko tanhā chhoḌ aate haiñ

    maiñ is tanhā.ī ke jañgal meñ

    larzāñ dil-pareshāñ raqs kartā huuñ

    maiñ ḳhud ko bhuul jaane

    yaqīnan (hausla baaqī nahīñ hai)

    svāñg bhartā huuñ

    zamane kho gae aainda o rafta ke mele mein

    zaminen gum huin paikar-e-has-o-nist mein aisi

    koi naqsha makanon aur makinon tak

    pahunchne ka zariya bhi nahin banta hai

    taswiren ab apni bastiyon mein

    dam-ba-KHud sahmi hui nadim paDi hain

    main albam ke waraq jab bhi ulaTta hun

    to kuchh aansu ke qatre jhilmilate hain

    fasurda gum-shuda chehre

    ghubar-e-na-shanasai mein

    kuchh dhundle hayyulon ki tarah

    fariyaad karte hain

    waraq albam ke guzre mausamon

    maghmum aankhon train ki khiDki se

    hilte hathon pichhe chhuTti aabaadiyon

    ko yaad karte hain

    main albam ke waraq jab bhi ulaTta hun

    kisi dasht-e-faramoshi mein

    sukhe peD par

    ek aaKHiri patte ki surat

    sare lamhe mujh ko tanha chhoD aate hain

    main is tanhai ke jangal mein

    larzan dil-pareshan raqs karta hun

    main KHud ko bhul jaane ka

    yaqinan (hausla baqi nahin hai)

    swang bharta hun

    Source :
    • Book : dasht ajab hairanii ka shayar (Pg. 83)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY