main aur tu

Shahzad Ahmad

main aur tu

Shahzad Ahmad

MORE BYShahzad Ahmad

    maiñ vo jhūTā huuñ

    ki apnī shā.erī meñ āñsuoñ zikr kartā huuñ

    magar rotā nahīñ

    āsmāñ TuuTe

    zamīñ kāñpe

    ḳhudā.ī mar miTe

    mujh ko dukh hotā hai

    maiñ vo patthar huuñ ki jis meñ koī chiñgārī nahīñ

    vo payambar huuñ ki jis ke dil meñ bedārī nahīñ

    tum mujhe itnī haqārat se na dekho

    ain-mumkin hai ki tum merā hayūlā dekh kar

    ġhaur se pahchān kar

    apnī āñkheñ phoḌ lo

    aur maiñ ḳhālī nigāhoñ se tumheñ taktā rahūñ

    āgahī mujh ko piyārī thī

    magar is ma.aal

    zindagī bhar vabāl

    ab liye phirtā huuñ apne zehn meñ sadiyoñ bojh

    kuchh izāfa is meñ tum kar do

    ki shāyad koī talḳhī aisī baaqī rah ga.ī ho

    jis ko maiñ ne aaj tak chakkhā nahīñ

    main wo jhuTa hun

    ki apni shaeri mein aansuon ka zikr karta hun

    magar rota nahin

    aasman TuTe

    zamin kanpe

    KHudai mar miTe

    mujh ko dukh hota hai

    main wo patthar hun ki jis mein koi chingari nahin

    wo payambar hun ki jis ke dil mein bedari nahin

    tum mujhe itni haqarat se na dekho

    ain-mumkin hai ki tum mera hayula dekh kar

    ghaur se pahchan kar

    apni aankhen phoD lo

    aur main KHali nigahon se tumhein takta rahun

    aagahi mujh ko piyari thi

    magar is ka maal

    zindagi bhar ka wabaal

    ab liye phirta hun apne zehn mein sadiyon ka bojh

    kuchh izafa is mein tum kar do

    ki shayad koi talKHi aisi baqi rah gai ho

    jis ko main ne aaj tak chakkha nahin

    Source:

    • Book : Deewar pe dastak (Pg. 621)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY