main baghi hun nizam-e-zindagi ka

mujhe dair-o-haram se vāstā kiyā

nazar meñ donoñ 'ālam merī dhokā

fareb-o-vahm hai hastī sarāpā

ziyāñ hai ye bisāt-e-dahr saarā

maiñ bāġhī huuñ nizām-e-zindagī kā

uTho maiñ naujavāñ teġh-āzmā huuñ

bacho maiñ josh-e-tūfān-e-balā huuñ

chalo maiñ bahr-e-ġham kā nā-ḳhudā huuñ

baḌho maiñ ‘azm-e-manzil-āshnā huuñ

maiñ bāġhī huuñ nizām-e-zindagī kā

kaḌaktī raa'd hai merī javānī

qayāmat-soz sho'loñ kī ravānī

bhañvar girdāb shorish nā-gahānī

ajal mazdūr kā dil aag paanī

maiñ bāġhī huuñ nizām-e-zindagī kā

maiñ zahr-ālūd mār-e-āstīñ huuñ

maiñ dīpak kā surūd-e-ātishīñ huuñ

‘amal ke lā-makānoñ kā makīñ huuñ

maiñ ik majbūr sā insāñ nahīñ huuñ

maiñ bāġhī huuñ nizām-e-zindagī kā

suno merī sadā bāñg-e-sahar hai

mirā dil bijliyoñ kā mustaqar hai

'imārat kī zamīñ zer-o-zabar hai

na.ī tā'mīr par merī nazar hai

maiñ bāġhī huuñ nizām-e-zindagī kā

mujhe dair-o-haram se wasta kiya

nazar mein donon 'alam meri dhoka

fareb-o-wahm hai hasti sarapa

ziyan hai ye bisat-e-dahr sara

main baghi hun nizam-e-zindagi ka

uTho main naujawan tegh-azma hun

bacho main josh-e-tufan-e-bala hun

chalo main bahr-e-gham ka na-KHuda hun

baDho main ‘azm-e-manzil-ashna hun

main baghi hun nizam-e-zindagi ka

kaDakti ra'd hai meri jawani

qayamat-soz sho'lon ki rawani

bhanwar girdab shorish na-gahani

ajal mazdur ka dil aag pani

main baghi hun nizam-e-zindagi ka

main zahr-alud mar-e-astin hun

main dipak ka surud-e-atishin hun

‘amal ke la-makanon ka makin hun

main ek majbur sa insan nahin hun

main baghi hun nizam-e-zindagi ka

suno meri sada bang-e-sahar hai

mera dil bijliyon ka mustaqar hai

'imarat ki zamin zer-o-zabar hai

nai ta'mir par meri nazar hai

main baghi hun nizam-e-zindagi ka