main chhoTa sa ek laDka hun

maiñ chhoTā sā ik laḌkā huuñ

pur kaam karūñgā baḌe baḌe

jitne bhī laḌkī laḌke haiñ

maiñ sab ko nek banā.ūñgā

jo bikhre hue haiñ ham-jolī

in sab ko ek banā.ūñgā

sab aapas meñ mil jā.eñge

jo rahte haiñ ab laḌe laḌe

ye ilm kī haiñ jo raushaniyāñ

maiñ ghar ghar meñ phailāuñgā

ta.alīm kā parcham lahrā kar

maiñ sir-sayyad ban jā.ūñgā

be-kār guzārūñ umr bhalā

kyoñ apne ghar meñ paḌe paḌe

maiñ chaar taraf le jā.ūñgā

iqbāl ne jo paiġhām diyā

maiñ hī vo parinda huuñ jis ko

us ne shahbāz kā naam diyā

ab mere paroñ par chamkeñge

sab hiire motī jaḌe jaḌe

main chhoTa sa ek laDka hun

pur kaam karunga baDe baDe

jitne bhi laDki laDke hain

main sab ko nek banaunga

jo bikhre hue hain ham-joli

in sab ko ek banaunga

sab aapas mein mil jaenge

jo rahte hain ab laDe laDe

ye ilm ki hain jo raushaniyan

main ghar ghar mein phailaunga

talim ka parcham lahra kar

main sir-sayyad ban jaunga

be-kar guzarun umr bhala

kyon apne ghar mein paDe paDe

main chaar taraf le jaunga

iqbaal ne jo paigham diya

main hi wo parinda hun jis ko

us ne shahbaz ka nam diya

ab mere paron par chamkenge

sab hire moti jaDe jaDe