main kahan tha

maiñ apne hone ko

khojtā huuñ

maiñ sochtā huuñ ki

maiñ kahāñ thā

sadā-e-kun kī jo guuñj uTThī

zamāñ makāñ meñ havā.eñ jāgīñ

kanār bāñdhe samundaroñ par

sadā-e-ātish bhī chār-sū thī

to maiñ kahāñ thā

maiñ sochtā huuñ ki maiñ kahāñ thā

mire javāhar kī mauj kyā thī

mire anāsir kahāñ kahāñ the

jahān mere kahāñ kahāñ the

makān mere kahāñ kahāñ the

maiñ āshnā se na āshnā huuñ

maiñ jāntā huuñ to sirf itnā

maiñ ibtidā ke kamāl meñ gum

tū intihā ke jamāl meñ gum

sadā-e-kun ke ḳhulūd jalve

ye ek maiñ huuñ

ye ek ho tum

main apne hone ko

khojta hun

main sochta hun ki

main kahan tha

sada-e-kun ki jo gunj uTThi

zaman makan mein hawaen jagin

kanar bandhe samundaron par

sada-e-atish bhi chaar-su thi

to main kahan tha

main sochta hun ki main kahan tha

mere jawahar ki mauj kya thi

mere anasir kahan kahan the

jahan mere kahan kahan the

makan mere kahan kahan the

main aashna se na aashna hun

main jaanta hun to sirf itna

main ibtida ke kamal mein gum

tu intiha ke jamal mein gum

sada-e-kun ke KHulud jalwe

ye ek main hun

ye ek ho tum