maine bhi aam rakh diya

goroñ ne mere des par apnā nizām rakh diyā

ek ġhulām uThā liyā ek ġhulām rakh diyā

tum ne ḳhudā ke ghar meñ bhī fitna-e-ām rakh diyā

mere imaam kī jagah apnā imaam rakh diyā

us ne to merī yaad ko dil meñ chhupāyā is tarah

jaise swiss-bank meñ māl-e-harām rakh diyā

shīrīñ-laboñ ko dekh ke maiñ khā rahā thā mango

us ne jo hoñT sī liye maiñ ne bhī aam rakh diyā

ghar meñ luġhat na thī koī jaldī meñ us ke baap ne

binat-e-siyāh-fām kā chāñdnī naam rakh diyā

baiThī huī hai aaj vo bāloñ kī vig utaar kar

goyā sharāb pheñk kar mez pe jaam rakh diyā

mujh ko bulā ke ghar meñ ek shā.er-e-bā-kamāl ne

taaza ta.aam kī jagah taaza kalām rakh diyā

goron ne mere des par apna nizam rakh diya

ek ghulam uTha liya ek ghulam rakh diya

tum ne KHuda ke ghar mein bhi fitna-e-am rakh diya

mere imam ki jagah apna imam rakh diya

us ne to meri yaad ko dil mein chhupaya is tarah

jaise swiss-bank mein mal-e-haram rakh diya

shirin-labon ko dekh ke main kha raha tha mango

us ne jo honT si liye main ne bhi aam rakh diya

ghar mein lughat na thi koi jaldi mein us ke bap ne

binat-e-siyah-fam ka chandni nam rakh diya

baiThi hui hai aaj wo baalon ki wig utar kar

goya sharab phenk kar mez pe jam rakh diya

mujh ko bula ke ghar mein ek shaer-e-ba-kamal ne

taza taam ki jagah taza kalam rakh diya