maine raat se pucha

Javed Shaheen

maine raat se pucha

Javed Shaheen

MORE BYJaved Shaheen

    maiñ ne raat se pūchā

    ''mere ghar se chorī ho jaane vaalā ḳhvāb

    tumhāre paas to nahīñ

    mere ham-sā.e ke bachchoñ ḳhvāb

    gharoñ meñ baiThī javāñ laḌkiyoñ ke ḳhvāb

    shahr se hijrat kar jaane vaale saare ḳhvāb

    tumhāre paas to nahīñ''?

    raat merī āñkhoñ meñ jhāñk kar bolī

    ''itne saare ḳhvāboñ chorī ho jaanā

    aur shor na machnā

    itne saare ḳhvāboñ qatl ho jaanā

    aur surāġh na chalnā

    itnī saarī lāshoñ dariyā meñ bahā diyā jaanā

    aur paanī rañg na badalnā

    kaise mumkin hai

    tumhārī marzī ke baġhair

    tumhārī shirkat ke baġhair''

    phir vo god meñ uThāyā huā chāñd

    merī taraf baḌhā kar bolī:

    ''is ke sar par haath rakho

    aur qasam khaao

    apnī be-gunāhī

    apnī ma.asūmiyat kii''

    aur maiñ us muñh taktā rah gayā

    main ne raat se pucha

    mere ghar se chori ho jaane wala KHwab

    tumhaare pas to nahin

    mere ham-sae ke bachchon ka KHwab

    gharon mein baiThi jawan laDkiyon ke KHwab

    shahr se hijrat kar jaane wale sare KHwab

    tumhaare pas to nahin?

    raat meri aankhon mein jhank kar boli

    itne sare KHwabon ka chori ho jaana

    aur shor na machna

    itne sare KHwabon ka qatl ho jaana

    aur suragh na chalna

    itni sari lashon ka dariya mein baha diya jaana

    aur pani ka rang na badalna

    kaise mumkin hai

    tumhaari marzi ke baghair

    tumhaari shirkat ke baghair

    phir wo god mein uThaya hua chand

    meri taraf baDha kar boli:

    is ke sar par hath rakho

    aur qasam khao

    apni be-gunahi ki

    apni masumiyat ki

    aur main us ka munh takta rah gaya

    Source
    • Book : Ishq e Tamam (Pg. 291)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY