main rakh deti hun tumhaara nam photographer

log samajhte haiñ

tumhārā ek hī naam hai

magar maiñ jāntī huuñ aisā nahīñ hai

maiñ to rakh letī huuñ har roz

tumhārā ek nayā naam

lo aaj maiñ rakh detī huuñ tumhārā naam

photographer

to apne naam ke mutābiq

tum utāro tasvīroñ meñ

apnī āñkhkeñ, naak, ruḳhsār aur hoñT

aur email karte raho mujhe

taaki maiñ utārtī rahūñ

tum par se nazar-band

aur dikhāo apnī muskurāhaT, hañsī aur qahqahe

taaki maiñ dikhā sakūñ sab ko

tumhārī ḳhushī

aur dikhāo apne aañsū

taaki maiñ unheñ tasvīr hī se poñchh duuñ

aur koī dūsrā na dekhe

apne naam ke mutābiq

banāo un sab kī tasvīreñ

jin se tumheñ mohabbat hai

taaki maiñ gintī rahūñ unheñ

aur rakhūñ nazar

un kī baḌhtī yā ghaTtī huī tādād par

aur ġhaur kartī rahūñ

un ke ḳhad-o-ḳhāl se zāhir

un ke kirdār par

aur chūñki tum nahīñ utaar sakte

bahut duur se

merī tasvīr

maañg lo mujh se merī ek tasvīr email se

aur apnī mahārat se

use uupar se joḌ do

kisī aisī tasvīr meñ

jo thoḌī sī ḳhālī ho

log samajhte hain

tumhaara ek hi nam hai

magar main jaanti hun aisa nahin hai

main to rakh leti hun har roz

tumhaara ek naya nam

lo aaj main rakh deti hun tumhaara nam

photographer

to apne nam ke mutabiq

tum utaro taswiron mein

apni aankhken, nak, ruKHsar aur honT

aur email karte raho mujhe

taki main utarti rahun

tum par se nazar-band

aur dikhao apni muskurahaT, hansi aur qahqahe

taki main dikha sakun sab ko

tumhaari KHushi

aur dikhao apne aansu

taki main unhen taswir hi se ponchh dun

aur koi dusra na dekhe

apne nam ke mutabiq

banao un sab ki taswiren

jin se tumhein mohabbat hai

taki main ginti rahun unhen

aur rakhun nazar

un ki baDhti ya ghaTti hui tadad par

aur ghaur karti rahun

un ke KHad-o-KHal se zahir

un ke kirdar par

aur chunki tum nahin utar sakte

bahut dur se

meri taswir

mang lo mujh se meri ek taswir email se

aur apni mahaarat se

use upar se joD do

kisi aisi taswir mein

jo thoDi si KHali ho